"Ita rona informasaun katak Timoroan sira la'ós de'it ona iha United Kingdom (UK) mais barak mós agora dehan katak iha Canada mós, entaun ita mós presiza hela mós informasaun sira ne'e Ministériu Negósiu Estranjeiru para depois ita halo preparasaun ruma inklui País sentru foun ruma ne'ebé mak karik atu aumenta depois halo kalkulasaun orsamentu”, dehan Acilino Iha Salun CNE, Kolmera, tersa (22/06).

Maibé sidadaun Timor-Leste barak liu iha nasaun Irlanda, Korea Súl, Austrália no Portugál, sidadaun hirak ne'e hatudu nafatin antusiazmu boot hanesan sidadaun hodi tuir nafatin votasaun.

"Oras ne'e dadus Eleitór iha estranjeiru por volta rihun-neen (6.000) ba Paíz haat nian ne'e tanba uluk iha eleisaun kotuk ita realiza iha Korea Súl, Portugál, (Fatin, Sidney, Melbourne,) pertense Austrália no United Kingdom (UK) no Eleitór nasionál númeru nafatin hanesan mak hamutuk 139.420 itál ida hanesan ne'e ba to'o iha fim trimestre primeiru”, afirma nia.

Nune'e Prezidente Komisaun Nasionál ba Eleisaun (CNE), Alcino de Araújo Baris inform, provizoriamente Ministériu Negósiu Estranjeiru no Kooperasaun (MNEK) opta obsaun rua.

Iha obsaun dahuluk prepara tuir situasuan normal, no obsaun seluk prepara tuir situasuan Pandemia iha rai laran nune'e enkontru sei muda fali ba fulan-Jullu nia klaran hodi hetan rezultadu ne'ebé definitivu.

"Ami sei marka enkontru iha meiadus de julho, hodi nune'e Ministériu negósiu bele fó informasaun klaru loos para oinsá ita atu haree planu A se ami la konsege ami hodi muda ba planu B”, informa Alcino.

Iha loron 1 fulan-Jullu Governu Timor-Leste liuhusi STAE sei halo resensiamentu Eleitorál dahuluk iha Munisípiu no Postu Administrativu sira hotu iha Timor laran tomak. (*)