“Laiha razaun atu ita rona ema hakilar hamlaha, tanba ita haree se folin normal ho situasaun ida serka sanitária, ne'e siknifika ai-hán ne'e estavel daudaun ne'e agrikultór sira mós tama ona iha epoka kolleta haree nian, ne'ebé produsaun lokál mós iha tan ona”, deklara Ministru Joaquin iha Palásiu Governu hafoin reuniaun Konsellu Ministru, kuarta (07/07).
Tanba stock fós no ai-hán sira seluk dadaun ne’e iha merkadu sufisiente no garantia folin estavel tuir estandart nune’e bele normaliza folin iha merkadu ba populasaun sira.
"Stock ai-hán ha’u bele dehan garantia folin ai-hán estavel ita konsege halo intervensaun merkadu, fós governu nian iha gudang sei iha, se sira hasa’e agora ita hasa’i tan hodi halo intervensaun ba merkadu para folin bele tun”, dehan Joaquim.
Nune'e mós iha setór privadu hala'o nia funsaun atu merkadu ne'e iha funsionamentu folin ne'ebé normal hanesan baibain tuir komunidade nia hakarak. (*)