“Husu ba senora Olinda ba futuru atu halo esteitmentu ruma, tenke tetu no analiza, sukat didi’ak linguazen hirak ne'e labele fó sai buat arbiru. Ami tauk de'it mak ami defisiénsia fíziku, mais ita-boot (deputadu) sira defisiénsia ho fuan konsiénsia ne'e mak perigu liu, ne'e atu lori los povu ne'e nia sofrimentu ba ne'ebé”, hatete nia iha salaun FONGTIL, kaikoli, sesta (09/07).

Tanba diretu ema defisiénsia ho matan iha 14,828 husi totál defisiénsia iha Timor hamutuk 38,118 ne'e, la'ós ema oituan, sira mós sidadaun, ne’ebé konsagra iha konstituisain RDTL, artigu 21 no artigu 16.

Enkuantu pozisaun AHDMTL orgullu no apresia ba prezidente partidu KHUNTO, Armanda Berta tanba nu’udar feto ida hakarak tebes konpete ho maluk mane sira iha palku polítiku, liuhusi eleisun ba Prezidente Repúblika iha periude 2022-2027.

“Ami lamenta de'it mak reprezentante povu ida halo komparasaun, pudia konparasaun ne'e ba buat seluk, la'ós ba kondisaun fíziku”, hatete nia. (*)