"Iha deklarasaun ida foin dadun ami haree husi mídia televizaun, ne’ebé husi Sentru Intergradu Jestaun Krize (SIJK), ne’ebé fó sai ona katak ferik ne’ebé mak mate dadauk ne'e la'ós tanba vasina. Ita haree momos tiha ona, ema ne'e la'ós ba tiha loron tolu iha nia uma mak nia hetan ida ne'e hodi mate, nein to'o oras ida, akontese mate kedas iha fatin ida ema vasina ne'e mós ita sei fase liman nafatin”, dehan nia iha plenária Parlamentu Nasionál (PN), segunda (12/07).
Tanba CNRT observa no haree iha mídia, Ministru Prezidensia Konselhu Ministru (MPKM), Fidelis Magalães ko’alia katak bainhira ema mate ka moras de’it ba vasina mak estadu sei fó osan maibé realidade la akontese.
"Ka ita (governu) tauk ida be 10 mil ne'e atu fó ba ne'e mak fase liman tiha para dehan ema ne'e la'ós mate tanba vasina, ne'e problema boot”, hatete nia.
Husu ba Governu bainhira osan laiha, lalika ba hatudu-an hodi fó komentáriu ba mídia dehan governu sei fó osan ba ema ne’ebé mate tanba vasina, ka moras tanba vsina.
"Kuandu orsamentu laiha, ko’alia buat seluk, ne’ebé mak realidade, buat seluk ne’ebé mak ho faktu, mais ita ko’alia bosok tun bosok sa'e, tafui tiha kaben lambe filafali, buat sira ne'e labele akontese”, dehan nia. (*)