“Se semana ida dala ida ha’u hanoin meza tenke buka materia saida mak ita mai ko’alia, se ita mai para hein malu, seu prezidente ha’u hanoin la dun di’ak”, dehan nia iha plenária Parlamentu Nasionál (PN), tersa (20/07).
Tanba, haree ba rejimentu, artigu 38 to'o 40, kona-ba kompeténsia deputadu nian, komisaun espesializada permanente sira-nia konstituisaun funsionamentu hanesan mini plenária ida atu rezolve asuntu ne'ebé urjente, liga ho isntituisaun sira seluk ne’ebé laiha resesu hanesan ho PN.
“Iha inisiu desta semana ita seidauk halo forma ita-nia komisaun rasik mós ita iha problema ne’ebé seu prezidente rasik konvoka konsellu administrasaun, GOPAC ho sira seluk mós halo”, hatete nia.
Hatan ba kestaun ne'e, Prezidente Parlamentu Nasionál (PN), Aniceto Longuinhos Guteres Lopez, deside sei aplika regra plenária semanal tanba hetan apoiu husi deputadu sira.
Haree ba kestaun Estadu Emerjénsia (EE) no Pandemia covid-19 ne’ebé akontesse, presiza reduz atividade parlamentar balun.
Deputadu Bankada KHUNTO, Luis Roberto, aseita desizaun kona-ba regra plenária semana ida dala ida. (*)