“Ita hotu hatene katak iha mós jornal da repúblika hatete katak ohin (20/7) ne'e toleránsia de pontu o dia inteiro, ita mós respeita katak ita iha relizaun barak-barak e ita respeita sira-nia loron boot e ohin loron musulmanu ninian, Idul-Adha, ha’u lahatene tanba saida mak ita konvoka fali reuniaun ba ohin ninian”, dehan nia iha plenária PN, tersa (20/07).

Tanba CNRT haree no observa kona-bá ajenda konvokatóriu reuniaun ida ne'e, tanba iha kalendariu parlamentu Nasionál mós sita loron tersa (20/7) ne'e loron nasional ba sidadaun musulmanu sira atu partisipa sira-nia loron Idul Adha.

"Seráque laiha aban no bainrua, ita tenke halo kedas iha loron kalendária mean, ne'ebé parlamentu rasik mos aprova loron ida ohin (20/7), kalendariu mean, e horseik (19/7) la'os feriadu”, dehan nia.

Maibé Prezidente Parlamentu Nasionál (PN), Aniceto Longuinhos Guteres Lopes hatete, maske governu dekreta pontu toleránsia ne'e iha loron 20 fulan-jullu bazeia ba kalendariu normal ne'e maibé governu hasai tiha ona despaisu ida, feriadu ne'e sei adianta filafali ba loron 19 jullu.

“Entaun feriadu ida iha toleránsia ba realiza relajiaun barak iha Timór ne'e toleránsia mak ita halo tiha ona iha dia 19 jullu, tanba loron feriadu nasional ida ne'e adianta tiha mai iha dia 19. E depois ha’u foin rona informasaun horisehik lokoraik, dehan governu ohin sei halo tan pontu toleránsia, ha’u hanoin sentidu iha ne’ebé pontu toleránsia ne'e se ita feriadu adia tiha”, afirma nia.

Pozisaun meza deklara kria plenária tanba ajenda preparadu hotu ona, nomós nu’udar orgaun autónomu bele hasai desizaun la presiza halo pontu toleránsia.

"Lolos ita ko’alia pontu toleránsia ne'e, la'ós feriadu, hanesan presepsaun, ita iha Timor kuandu pontu toleránsia ne'e feriadu todo dia, pontu toleránsia ne'e buat ne'e mós fakultativu, se ema balun hakarak tama servisu bele servisu, liliu sira ne’ebé iha interese sira la tama mós la presiza justifika sira-nia falta”, hatete nia. (*)