Rezultadu votasaun ne'e hetan husi totál bultin votu 29, votu nulu 1, votu branku 0, abstensaun 4, kontra 1, afavor 23,
"Nune'e ita eleitu ona Sekretáriu meza komisaun permanente maka distinta deputada Domingas dos Santos, e vise Sekretáriu António de Sá Benevides”, dehan PPN Aniceto iha plenária PN, tersa (20/07).
Hafoin anunsia rezultadu, Prezidente Parlamentu Nasional, Aniceto Longuinhos Guteres Lopes informa, desizaun no servisu hirak ne’ebé iha, sei bazeia ba mandatu plenáriu ninian, no semana rua Komisaun permanente reuniaun dala ida, iha loron tersa.
Ho ida ne'e deputadu sira la presiza fiksa kalendariu tanba loron tersa feira ne'e felismente monu iha loron 3,17 no 31 fulan-agostu.
"Maibé ida ne'e la taka dalan, hanesan hothotu fo opiniaun ona, la taka dalan se no kazu situasaun urjente ne'ebe ho ajenda urjente, meza bele konvoka komisaun permanente, fora ida normal semana rua dala ida, tersa feira ne'e”, hatete nia.
Enkuantu ultimu reinaun Komisaun Permanente ne'e to'o deit iha loron (31/8) tanba iha loron 15 fulan-setembru ne'e Parlamentu Nasionál hahú loke ona sensaun lejislativa ba dahaat. (*)
