“Dadaun ne'e ami prepara ona ami-nia eletorál totál hamutuk 15 mill ona, atu prepara ba eleisaun ida tuir mai ne'e”, dehan nia iha Fomentu II, segunda (02/08).
Ba eleisaun prezidensiál no eleisaun parlamentár ASDT sei tuir maibé sira sente triste no sira konsidera desizaun ne'ebé tribunál foti hodi kansela ASDT la bele tuir eleisaun iha tinan tuir mai ne'e sala.
“Iha tempu badak iha munisípiu 13 ne'e ami sei hamutuk iha munisípiu sira, hotu depois ami sei hato'o ami-nia proposta ne'e ba tribunál rekursu filafali”, dehan Prezidente ASDT
Iha fatin hanesan, Sekretáriu Jerál Partidu PASDT, Norberto Pinto hatete, ASDT prontu atu partisipa iha eleisaun prezidensiál no eleisaun Parlamentár iha futuru.
“Ami kaer metin, ami kuda metin, ami sei la bele husik tanba ne'e ami sei nafatin lori ba desizaun finál iha Tribunál Rekursu”, afirma nia.
Nune'e partidu ASDT iha figura ona hodi kompete ba eleisaun prezidensiál maibé seidauk bele fó sai tanba hein Prezidente Repúblika anunsia loron ba kandidatura no eleisaun prezidensiál. (*)