“Klaru presiza. Ha’u mós rona informasaun ne'ebé estudante sira tatoli liuhusi mensajen mai ha’u-nia numeru rasik, sira hatete katak, sira balun simu US$10 no balun simu US$5”, dehan Prezidente Komisaun G, deputadu António Verdial, iha PN, segunda (02/08).

Tanba kestaun pulsa internet ne'ebé estudante sira asesu, klaru presiza halo duni investigasaun.

Iha mós kestaun propina ne'ebé mak governu fasilita ba estudante sira liliu Universidade da Paz (UNPAZ), tanba Governu fó ba estudante sira ne'ebé mak seidauk servisu US$150, no sira ne'ebé eskola iha mestradu mós hanesan US$150.

Maibé governu la haree estudante ne'ebé hola estatutu hanesan Mestradu ne'e, trimestral ida selu US$750, kompara ho universidade públiku.

Ho ida ne'e, deputadu iha Komisaun G sei husu diretamente ba Ministru Ensinu Superior Siénsia no Kultura (MESSK) iha plenária loron tersa (03/08) atu halo klarifikasaun.

“Aban (03/08), mós ita bele akompaña, kala aban mós marka prezensa iha plenária, ita-nia ministru ensinu superior siénsia no kultura, no ha’u-nia alin jornalista sira bele akompaña, ritmu husi pergunta ne'ebé mak na’in no lou deputadu sira sei halo iha aban loron nian”, dehan nia. 

Maske, deputadu labele intervein servisu orgaun ezekutivu, maibé hanesan deputadu sei la taka matan ba estudante sira hato'o informasaun mai deputadu, tanba estudante rasik husu atu deputadu ko’alia. (*)