“Ami na'in-2 mai hasoru Xefe Estadu tanba ami ho idade ki’ikoan, dalaruma ba verifika ami-nia dadus entaun ema la fiar, tanba ne'e mak ita marka audénsia ida ho Xefe Estadu atu fó netik despaxu ruma ba ami na'in-2 dokumentu atu kaer hanesan referénsia ka dokumentu legál ida atu ami aprezenta iha loron segunda (15/08) ba Komisaun Verifikasaun iha Soibada”, dehan Lawai hafoin sorumutu ho Prezidente Repúblika iha Palásiu Prezidensiál Bairopite, tersa (10/08).

Maske Prezidente Repúblika rasik la bele fó despaxu ou dokumentu ruma, maibé husu atubele hakmatek, bainhira buat ruma prezudika bele hasoru filafali.

“Xefe Estadu dehan de'it ba ami na'in-2 ba lalika laran taridu no ba mak buat ruma prejudika ami na'in-2 nia dokumentu bele mai hasoru filafali Xefe Estadu”, hatete nia.

Mateus de Oliveira 'Naga Funu' hatete, iha sorumutu atu ko’alia kona-ba sverifikasaun dokumentu ne’ebé sei halo iha baze, Tanba ho idade ki’ik ne’ebé partisipa iha luta libertasaun.

“Iha tempu ida agora mós iha Salau halo verifikasaun dadus nian, entaun ami mós mai hato'o filafali ba Xefe Estadu atu hanoin filafali uluk, tanba ami ho idade ki’ik loos de'it no labarik barak idade hanesan ho ami iha Timor laran ne'ebé fó kontribuisaun boot ba prosesu luta ida ne'e”, dehan nia.

Iha tempu luta nia laran hanesan labarik ki’ik oan, maibé iha situasaun apertadu inimigu sira bainhira apertadu uza labarik ki’ikoan sai hanesan forsa ida ba ema boot atu lori informasaun, hahán ba forsa sira iha ailaran. (*)