"Ohin (10/08), ha'u mai hasoru señor Primeiru Ministru hanesan aman, ha'u lori ajenda importante tolu. Primeiru esplika oituan kona-ba Partidu Verde ne'e halo nusá, nia misaun halo nusá, nia vizaun ba estadu Timor ne'e balo nusá. Segundu, kona-ba dezafiu sira ne'ebé mak partidu verde hasoru liga ba prosesu rejístu partidu ninian”, dehan António da Costa "Lela-Hunu", iha rezidénsia Primeiru Ministru, Farol, tersa (10/08).
Hanesan aman fó lia menon ba partidu Vesrde, ba membru tomak, hanesan avo sira fó bensa ka, fó bua-malus, buras, matak malirin ba Partidu Verde, hodi konsistente, determinante lori pertidu ne'e to'o objetivu final.
Durante sorumutuk, hato'o lia-menon katak, tempu ona joven sira tenke brani atu hamri'ik iha partidu ida hodi fó opsaun ne'ebé di’ak ba destinu nasaun ho dezenvolvimentu povu tomak.
"Mensajen, ha'u hanoin importante ida ne'ebé mak bele share ho ita-boot sira mak, señor Primeiru Ministru hatete, tempu ona ba joven sira atu brani ho hamri'ik iha partidu ida atu fó opsaun ba dezenvolvimentu sosiu ekonómiku, kulturál, no ambientál rai ida ne'e nian. Ha'u hanoin mensajen xáve mak ida ne'e”, afirma nia.
Tanba Partidu Os Verde, foin eziste ho pensamentu ida hakarak atu hari'i sosiedade ida ne'ebé inkluzivu, reziliente nomós sustentável, reziliente multidimensional.
"Ida ne'e mak ha'u mai aprezenta ba ita hotu nia aman”, haktenik nia. (*)