“Ami senti katak, atu hetan eleisaun ida dignu, eleisaun ida rezultadu di'ak, mak partisipasaun sidadaun hothotu, liliu servisu ne'ebé presta husi ami hanesan komisiáriu hamutuk mós orgaun eleitorál seluk hanesan mós STAE”, dehan nia iha Parlamentu Nasional, segunda (16/08).

Tanba ne’e sai hanesan naha todan iha estrutura ne’ebé simu responsabilidade. “Ami na'in-hitu iha orgaun ida ne'e ho karater kolezial. Desizaun ne'ebe sei foti ligadu ho aktus eleitorál, sei liuhusi plenária”, hatete nia.

Maibé servisu ida ne'e la mesak, tanba iha mandatu ne'e sei servisu hamutuk ho estrutura eis Prezidente no komisiáriu sira liliu sira ne'ebé suplementu ba CNE.

“Ami sei halo konsulta ne'ebé intensivu, oinsá, biban ho kapasidade sira ne'ebé sira iha, hodi tulun mis instituisaun ida ne'e, si instituisaun ida forti, iha kriebilidade, atu-nune'e sosiédade no ita-nia públiku tomak bele tau konfiansa”, deklara nia.

Hare ba kompetensia, CNE hanesan supremu ba supervizaun aktu eleitorál hothotu, no kestaun ida administrasaun tékniku ne'e sei kabe ba kompeténsia Sekretariadu Tékniku Administrasaun Eleitorál (STAE), maibé importante atu atinje susesu ida, tenke iha kolaborasaun entre SATAE ho CNE. (*)