“Depois rona husi sala situasuan de integradu jestaun krize, konsellu Ministru deside renovasuan pedidu ba iha Prezidente Repúblika atu hafoun tan Estadu Emerjénsia ba fulan-setembru”, dehan Ministru Prezidente Konsellu Ministru, Fidelis Leite iha Palásiu Governu, kuarta (18/08).

Ho hanoin katak kauza determinante sira ne’ebé justifika ona deklarasaun estadu emerjénsia no ninia renovasaun sira kontinua mantein, atubele evita no neutraliza risku propagasaun sira husi variante foun SARS-CoV-2, no nune’e bele proteje saúde públika no kapasidade resposta husi Sistema Nasionál Saúde nian.

Governu propoin ba Prezidente Repúblika ho renovasaun estadu emerjénsia nian, permite suspensaun ka restrisaun ba direitu no garantia fundamentál balun. (*)