Governu La Preokupa Sidadaun Lakon Servisu iha Konfinamentu Jerál

Diretór Ezekutivu Asia Justice and Right (AJAR), Luis Oliveira. Diretór Ezekutivu Asia Justice and Right (AJAR), Luis Oliveira. Foto Suplay

Tempotimor (Dili)-Diretór Ezekutivu Asia Justice and Right (AJAR), Luis Oliveira, konsidera Governu la preokupa sidadaun sira lakon rendimentu no fatin servisu durante aplikasaun Konfinamentu Domisiliáriu Jerál iha Munisípiu Dili.

"Mai ha'u ok, ida ne'e buat ketak ida, mais ita tenke preokupa ajuda umanitáriu, ka subsídiu ruma ba ema sira ne'ebé mak lakon servisu, lakon rendimentu, durante konfinamentu obrigatóriu, ida ne'e mak ita tenke preokupa", hatete nia iha edifisiu FONGTIL, kaikoli, sesta (3/9).

Tanba regra jerál diretu umanu ne'e, kuandu aplika konfinamentu, tenke providénsia alimentar, asisténsia umanitáriu ne'e tenke ijene, se la'e ema mate, no ema bele moris iha situasaun risku ba moras oioin.

"Dala-Barak ne'e la seriu, haree agora de'it, sulan tiha ita semana ida, sira la preokupa ho ema povu sira seluk ne'ebé lakon rendimentu, lakon servisu, sira la preokupa", dehan nia.

Maske povu halerik maibé la preokupa, tanba Governante sira foti desizaun ne'e bazeia ba sira-nia kondisaun kada fulan forma simu sira-nia saláriu garantidu hela.

"Sira hanoin dehan ema seluk mos ninia rendimentu ne'e garantidu hela. Haluhan tiha katak ema lakon rendimentu, ema lakon servisu", afirma nia.

Deputadu bankada CNRT, José Vergilho hatete, nia parte kestiona maka'as ho desizaun Governu ne'ebé aplika konfinamentu obrigatóriu, tanba sulan povu barak oras ne'e susar atu hetan hahán.

Purtantu pior liu mak regra sira ne'ebé Governu aplika bandu sidadaun atu viajen ba munisípiu, maske povu vasina dala-rua.

"Husi munisípiu mai Dili mós labele. ne'e ida buka moris nian ne'e, ida dehan sanan tara ona ne'e, sira loke sira-nia kios ga loja, atu sosa sasán kompletu filafali sira-nia sasán, ne'e ita bandu hotu", dehan nia. (*)

 

Rate this item
(0 votes)
Last modified on Friday, 03 September 2021 21:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter