Ministru Administrasun Estatál (MAE), Miguel Perreira de Carvalho esplika, númeru sentru votasaun ne'ebé prepara atubele evita agloramentu iha eleisaun sira mai ne'e.

"Tinan oin (2022) ita purvolta kria sentru votasaun hamutuk 1.200 hanesan ne'e tanba iha tempu Covid-19, ne'e tenke kria estasaun votu no sentru votasaun barak liután atu evita aglomerasaun ba eleisaun, tanba ho númeru ida ohin temi ne'e purvolta 500 eleitór sira ba vota iha kada estasaun", dehan Miguel Pereira iha Ministériu Finansas, Aitarak Laran, tersa (07/09).

MAE esforsu atu aplika nafatin prevensaun Covid-19 iha eleisaun Prezidensiál tanba fó impaktu negativu ne'ebé boot ba sidadaun sira bainhira iha aglomerasasaun.

Tanba ne'e sidadaun sira hakarak resenseamentu mak tama ona idade 16 bele hetan ona Kartaun Eleitorál no ba segundu rai ne'ebé mak hakarak atualiza sira-nia eleitorál bele ba atualiza iha postu resenseamentu eleitorál iha postu administrativu sira.

"Sira ne'ebé hakarak bele ba resensea no bele halo atualizasuan iha postu administrativu sira ida ne'e servisu prearativu ida mak ne'e", deha nia.

Servisu preparativu seluk ne'ebé mak Ministériu Administrasaun Estatál prepara mak halo rekrutamentu ba brigada sira atu responsável ba Sentru Votasaun sira.

Nune'e Sekretariadu Tékniku Administrasaun Eleitorál halo resenseamentu eleitorál no atualizasuan baze dadus sei remata iha loron 15 fulan-janeiru tinan 2022.

"STAE halo resensiamentu eleitorál agora dadaun totál hamutuk 842.352 eleitór iha Timor laran tomak inklui iha estranjeiru e STAE kontinua halo nafatin servisu ida ne'e to'o 15 Janeiru 2022", informa nia .(*)