Eis Diretór Jerál Agua Saneamentu (DGAS), Grigório de Araújo, hato'o lamentasaun ba Prezidente Repúblika (PR), Francisco Guterres ‘Lú Olo’, kona-ba Ministériu Obras Públikas (MOP) ne'ebé halo mudansa hodi kria Bee Timor-Leste (BTL) sai empreza públika, no abandona funsionáriu husi Diresaun refere.
"Ami mai hasoru malu ho Prezidente Repúblika (PR), ko'alia kona-ba problema ne'ebé Diresaun Jerál Saneamentu enfrenta nune'e ho kriasaun BTL,ep (Bee Timor-Leste, empreza públika) tuir dekretu lei númeru 41 ne'ebé kontradiz ho orgániku Ministériu nian ne'ebé dekretu lei númeru 41 ho orgániku lahan malu, tanba abandona funsionáriu permanente 196 no kontratadu ajente administrativu 40 ital hamutuk 200 itál”, dehan Grigório ba Jornalista sira iha palásiu Prezidente Bairopite, tersa (28/09).
Problema ne'e hato'o ona ba parte kompetente sira maibé seidauk iha resposta no seidauk iha solusaun ruma.
"Agora ami iha ami-nia fatin, mais servisu laiha, ami la halo servisu ami-nia fatin ema okupa tiha, ami la halo servisu nune'e ami halo ona karta ba Primeiru Ministru, Parlamentu, KAK (Komisaun Anti Korrupsaun, Funsaun Públiku, PDHJ (Provedoria Direitu Humanus no Justisa) maibé sira la fó solusaun tanba ne'e ami ko'alia ho Xefe Estadu hodi rona ami-nia lamentasaun”, hatete nia.
Hafoin hasoru malu Prezidente Repúblika promete sei ko'alia ho parte kompetente hodi solusiona ba problema refere.
"Sua esenlénsia simu no sei ko'alia ho parte kompetente hodi solusiona parobelam ne'e”, hatutan nia.
Tanba kriasaun Bee Timor-Leste, empreza públika hasees tiha implementasaun lei orgániku Ministériu nian nune'e tau prioridade ba empreza públika no abandona diresaun jerál agua saneamentu.
Hahú iha fulan-janeiru tinan 2021, Governu kria Bee Timor-Leste, empreza públika (BTL,ep) nune'e abandona funsionáriu Diresaun Jerál eAgua no Saneamentu to'o agora laiha fatin dignu. (*)