"Ne'ebé laiha intensaun ruma, no problema ha’u atraza. Horisehik (28/09), kuaze 1 hora e tal mak foin plenária hotu, tanba informasaun no dadus barak tama mai, e arkivu muzeun bolu ha’u para aumenta tán, ne'e mak ha’u ba to'o iha arkivu muzeun 2 e tal hora, e kuandu ha’u ba uma troka tuku 3 ital. Kuandu ha’u halai husi Dili ba ne'eba, ha’u to'o iha ne'eba 4:10, tanba loloos ne'e 4:20, konforme iha oráriu, mais la to'o hanesan kumpre desizaun kuaze konsensuál ne'ebé ha’u mak atu breve biografia, matebian Ma'hunu", dehan nia iha PN, kuarta (29/09).
Haree ba situasaun ne'e, bele dehan foin akontese primeira ves tanba ne'e husu atu Estadu tenke kria regra ka protokolu oinsá mak labele akontese aktu ida ne'e iha futuru.
"Tanba foin primeira vez hanesan ita-nia superiór ba funda nasaun ne'e, ida mate, tan ida ne'e mós loke dalan ba Estadu para hahú hanoin ona dekretu (regra) ruma para aban bainrua, hanesan hela na'in-lima, ita la hotar maibé kuandu hanesan distinu to'o ne'e, sei liu nafatin husi Arkivu mujeun, ne'ebé hanesan prepara ona protukolu ho regra ruma para aban-bainrua ita lalika hanesan foin dadauk ne'e", hatete nia.
Tanba ne’e, sai husi Dili atraza ho engarafamentu (macet) barak, entaun la konsege kumpre desizaun ne'ebé Ministériu Asuntu Kombatente Libertasaun Nasionál (MAKLN) hodi tau fiar ba veteranu tinan 24, José Agostinho Sequeira ‘Somotxo Matar Mimiraka’, atu halo leitura ba biográfia saudozu Ma'hunu nian. (*)
