"Ita haree ba kandidatu Prezidente Repúblika, Konstitusaun Repúblika hatete Prezidente Repúblika ne'e tenke sai hanesan gurdiaun da Konstitusaun no simblu ba unidade nasionál, entaun ida ne'e mak tenke sai hanesan matadalan ba kualker kandidatu ne'ebé mak hakarak kandidata-an ba Prezidente Repúblika”, dehan nia hafoin partisipa workshop "Futuru Prezidente ba ita hotu" iha Salaun Laline Lariguto CNE, kuarta (29/09).

Tanba ema hothotu iha direitu kandidata-an ba Prezidente Repúblika, naran katak tuir kritériu no valór prinsípiu sira ne'ebé mak hatuur iha konstituisaun

Ho ida ne’e, GMPTL hanesan mahon ba feto maluk sira iha Parlamentu Nasionál hakarak tebes atu asegura feto iha sira-nia partisipasaun hodi kontinua reforsa asegura partisipasaun feto iha vida polítika liliu ba festa demokrasia.

Tanba iha Konstitusaun Repúblika iha ne'ebá hatudu momos katak, ema hotu iha direitu atubele partisipa no pasivamente iha vida polítika.

Dadaun ne'e iha ona diskusaun no opsaun balu husi organizasaun no partidu polítiku kona-ba kandidatu tanba konstitusaun fó dala ba ema hothotu livre atubele kandidata-an.

Diretora Plan Internasionál Timor-Leste, Dillyana B.D. Ximenes hatete, atu konsidera partisipasaun lideransa  feto bele lideransa nasaun iha futuru la'ós sai prezidente de'it maibé bele sai lideransa iha nível hothotu la'ós iha nasionál de'it maibé bele tun to'o munisípiu administrativu, aldeia no suku.

"La'ós tanba feto de'it maibé tanba feto ne'ebé merese duni iha kualidade no kapasidade di'ak bele sai lideransa ba sira-nia an no ba ema iha sira-nia sorin-sorin”, afirma nia. (*)