"Ohin governu halo sorumutu extaraordinariu iha Konsellu Ministru (KM), hodi halo aprovasaun ba rezolusaun governu nian ne'ebé aprezenta husi Ministru Petroleu no Mina-rai ein ezersisiu, Agio Pereira kona-ba nomeasaun despaxante ofisiál ba atividade sira importasaun no esportasaun iha Bayu Undan nian," dehan Ministru Prezidensia Konsellu Ministru, Agio Pereira iha Palasiu Governu.
Nia hatutan, asinatura tratadu Tasi Timor nian nu'udar projetu ida ne'ebé sei tranzita husi área konjuntu dezenvolvimentu Petrolifeiru.
"Haree katak ho asinatura tratadu Tasi Timor nian, nu'udar projetu ida ne'ebé sei tranzita husi área konjuntu dezenvolvimentu petrolifeiru dadaun ne'e, ba juridisaun eskluziva Timor Leste nian, mak projetu Bayu Undan no rezolusaun Governu nian ne'e ho objetivu hodi mantein Impreza Altus Oil no Gas Services hanesan despaxu ofisál," haktuir Agio
Nia komenta, liuhusi rezolusaun ne'e atu hamenus perturbasaun ba operasaun ne'ebé la'o hela. "Hamenus perturbasaun ba iha operasaun ne'ebé hala'o hela, konforme ejize husi obrigasaun internasionál sira ne'ebé asume Estadu Timor-Leste bazeia ba tratadu nian," nia esplika.