"Governu ida ne'e komprometidu tau ema nu'udar sentru ba dezenvolvimentu, nune'e sei halo esforsu hodi envolve inan-feton sira iha prosesu dezenvolvimentu ita-nia rain nian”, dehan Taur liuhusi komunikadu imprensa ne'ebé www.tempotimor.com asesu iha nia pájina ofisiál, kuarta (03/11).
Envolvimentu feto iha prosesu dezenvolvimentu ne'e PM ko'alia iha ámbitu loron loro nasionál ba Feto Timor-Leste, koinsidénsia ho loron mate eroina boot, Maria Tapó.
"Nu'udar onra ba feto Timoroan hothotu ne'ebé ho dedikasaun tomak no brani hodi hamriik hamutuk ho aswa'in mane sira iha luta kontra okupasaun estranjeira durante tinan 24, ne'ebé ikus mai ita sai duni nasaun ida livre no independente”, afirma Taur.
Loron 03 Novembru nu'udar loron reflesaun atu reflete kona-ba importánsia papel inan-feto sira-nian iha prosesu dezenvolvimentu nasionál, ne’ebé inan-feto sira dezempeñadu dezde tempu luta.
"Aproveita loron ida ne'e, hodi VIII Governu konstitusionál nia naran no ha'u-nia naran rasik, hakarak fó saudasaun espesial ba inan-feton sira iha Timor-Leste laran tomak”, hatete nia. (*)