"Kandidatu ba Prezidente Repúblika ka ne'e, ami (partidu Frente Mudansa) iha Mehi ona, maibé juramentu soko laran, keta dehan sai, bele baku mate ka baku moris keta dehan sai. ne'ebé kuandu prezidente repúblika dekreta lei ona mak ami sei konvida ita-boot sira”, dehan nia hafoin audénsia ho Prezidente Parlamentu Nasionál (PN), Aniceto Longuinhos Guterres Lopes, iha PN, tersa (09/11).
Maske, dadaun ne'e partidu balu públika ona kandidatu nomós entidade movimentu balun deside atu fó apoiu kandidatura husi partidu sira maibé parte Frente Mudansa seidauk bele fó sai tanba sei hein hela dekretu Prezidensiál.
Purtantu ba eleisaun iha tinan oin (2022) mak Partidu FM mós iha ninia atividade politika kampu real sei konkretiza povu hodi isin sikat ruin, atu nune'e frente mudansa ninia kaixa bele nakonu iha 2022.
"Ami sei hanoin, e partidu lubuk ida mai hamutuk ita, hanesan PDP, APMT, Frente Mudansa no partidu seluk tan, ami sei halo koligasaun naran Frente Dezenvolvimentu Demokrátiku Populár (FDDP), ne'e ami-nia mehi, ne’ebé mehi ho ambisaun atu lidera ho konviksaun”, afirma nia. (*)
