"RAEOA nia osan ne'e nusa mak tau bebeik iha dotasaun todo do Governu, be atu uza ona sistema mós sei tau nafatin iha dotasaun todo do Governu", dehan nia iha plenaria PN, kuarta (15/12).
Bankada CNRT preokupa tanba proposta barak mak Parlamentu propoin atu muda orsamentu RAEOA nian husi rubika ida ba rubrika seluk.
Bainhira orsamentu iha dotasaun do Governu iha transferénsia públika, kuandu dotasaun todo do Governu, Ministériu finansa halo transferénsia públika 100%, ba REAOA siknifika dotasaun todo Governu ne'e orsamentu ba RAEOA 100% ezekutadu, ba ne'eba mak RAEOA na'in halo konforme nia hakarak.
Mesmu nune'e, Parlamentu Nasionál liuhusi diskusaun espesialidade ba proposta lei Orsamentu Jeál Estadu (OJE) 2022 aprova orsamentu ho montante inisiál US$84,436,784.00 ba RAEOA ho votu a-favór 43, kontra 18 no abstensaun 0.
Orsamentu ne’e sei ba loka ba saláriu vensimentu US$11,086,859.00, bens servisu US$21,361,440.00, kapitál menor U$607,155.00, kapitál dezenvolvimentu US$47,059,303.00, transferénsia públika US$4,322,027.00.
Durante diskusaun, Parlamentu Nasionál aprova mós Proposta Lei (PPL), alinea e, tabela V do Anexo à presente lei, hodi integra, despeza husi Região Administrativa Especial de Oe-Cusse Ambeno bazeia ba artigu 5.
Purtantu ba tinan2022, RAEOA sei implementa programa 15, sub-programa 95 no atividade 265. (*)