“Enkuntu hanesan Ministru Administrasaun Eatatal (MAE) ha’u nomeia ona sekretáriu munisipál Lucio Boromeo no komisaun Funsaun Públika mós konkorda, para ezerse funsaun em subsituisaun durante periodu fulan 6 hodi halo preparativu sira hodi konselu Ministru nomeia administradór Ataúru nian”, dehan Ministru Miguel hafoin remata enkontru ho PM, Taur iha rezidénsia Ofisial Farol, Dili, kuarta (02/02).

Lucio Boromeo nu'udar Ataúruoan ne'ebé antes ne’e assume kargu hanesan Direitór Sekretáriu Instalasaun Munisipal iha Díli, Ministériu Administrasaun Estatal (MAE) no dadaun ne'e Assume Kargu nu'udar Sekretáriu Munisipiu Ataúru no Administradór Interinu Munisipiu Ataúru.

Tanba atu nomeia administradór munisípiu Ataúru ne’e kompeténsia konselu Ministru nian, maibé ne’e MAE nomeia ona sekretáriu munispal hodi ezerse funsaun hanesan administradór munisípiu interinu hodi hein desizaun KM nomeia administradór munisípiu foun.

Nomeisaun interninu ne'e durasaun to'o fulan neen hodi hodi hein nomeisaun Konsellu Ministru bainhira aprova ona dekretu Governu nian.

“Atu deside ka nomeia administradór munisípiu Ataúru mak konsellu Ministru, no agora dadauk aguarda hela iha ajenda hodi halo desizaun ba se mak atu sai administradór munisípiu Ataúru nian”, dehan nia.

Antes ne’e Konsellu Ministru aprova projetu proposta Lei ba alterasaun daruak husi Lei n.11/2009, loron 7 fulan-Outubru, kona-ba divizaun Administrativa Territoriu nian, hodi hari’i Ataúru sai hanesan Munisípiu ida.

Ministru Prezidénsia Konselu Ministru (MPKM), Fidelis Leite Magalhães hatete, iha reuniaun Konsellu Ministru aprova ona projetu dekretu lei ba alterasaun daruak husi lei NU.11/2009 loron fulan 7 Outubru, konaba divizaun administrativa teritoriu nian.

“Proposta ida ne’e Governu aprova ona no sei haruka ba Parlamentu Nasionál mak atu hari’i Ataúru sai munisípiu ida”, informa nia. (*)