“Ha’u apela ba kuadru estrutura Ezekutivu Klibur Tane Aas Partidu CNRT, ne'ebé mak instala iha 12 Munisípiu nomós RAEOA, Postu, Suku no Aldeia nomós Nucleo sira mak hanesan Coris Ba Moris, Grupu Halibur Unidade, Movimentu Hadomi Paz katak, bazeia ba orden servisu husi ita-nia Partidu CNRT husu ba ita hotu atu servisu hamutuk no koordena estrutura Ezekutivu Partidu CNRT nian iha ida-idak nia Munisípiu atubele junta ita-nia forsa ba ita-nia atividade durante períodu pre-kampaña no post-kampaña hodi bele fó vitória ba ita-nia kandidatu Prezidente Repúblika Dr. Jose Manuel Ramos Horta Períodu 2022-2027”, dehan Ildeberto iha Sede Nasionál Partidu CNRT, Bairro Dos Grilhos, sábadu (12/02).

Husu ba responsável ezekutivu Klibur Tane Partido CNRT iha Munisípiu, postu, suku no aldeia sira atu servisu hamutuk ho estrutura partidu CNRT nian hodi atije mehi iha eleisaun Prezidensiál tinan 2022.

Tanba ne’e, husu ba estrutura atubele hamutuk hodi servisu ba Kandidatu Partidu CNRT ne’ebé preparadu hodi bele kompete ho kandidatura sira seluk ne’ebé mai husi partidu no balun hanesan Independente.

“Hamutuk ita hari'i, hametin, haburas forsa hodi fó vitória absoluta Primeira ronde ba ita-nia Kandidatu Dr. Jose Manuel Ramos Horta”, hektenik nia. (*)