“Ami sei ko’alia ho kandidatu prezidente repúblika sira bainhira kampaña bandu kandidatu sira atu insulta no ataka malu ho liafuan la edukativu iha palku, politika sira tenke ko’alia de’it programa no vizaun ho misaun bainhira hetan fiar husi povu hodi kaer ukun”, dehan Vise Prezidente CNE, Domingos Barreto, hafoin partisipa Workshop iha Salaum Maubara Room, Timor Plaza, kuarta (16/02).

Ba kandidatu Prezidente ne’ebé admitidu ona molok loron lima tama ba kampaña sira sei aprezenta oráriu kampaña atu sira labele soke malu iha oráriu kampaña iha Munisípiu ho oras ne’ebé hanesan.

Bainhira ko’alia kandidatura sira mak iha tempu kampaña akontese insluta malu, CNE sei halo karta xamada ba kandidatura hodi evita trata malu, maibé kadidatu la kumpri kontinua komete insulta malu ida ne’e krime eleitorál ona no sei prosesu.

“Bainhira kampaña mak akontese kandidatu sira insulta malu ami sei halo karta xamada ba kandidatu atu evita, maibé iha loron tuir mai la rona kontinua akontese trata malu iha kampaña ne’e krime eleitorál desobedensia”, esplikania.

Alende ne’e, CNE mós husu ba kandidatu Partidu Politiku sira iha tempu kampaña bandu mós labele uza arte marsiál atu halo kampaña eleitorál ida ne’e lei proividu, kuandu akontese hela PNTL tenke halo atuasaun. (*)