“Neste momentu, informasaun ikus ne'ebé mak ita hetan husi ita-nia kolega Ministériu Negósiu Estranjeiru no Kooperasaun (MNEK), katak situasaun iha ne'ebá komesa normál ona, ita-nia sidadaun iha Timoroan preparadu atubele partisipa iha eleisaun prezidensiál”, dehan Acilino iha Tribunál Rekursu Kaikoli, kinta (17/02).

Maibé antes ne'e iha nasaun Austrália aplika Konfinamentu Obrigatóriu ka lockdown maibé iha semana oin hahú aplika Nova normalidade, enkuantu iha nasaun Korea Súl, Inglaterra, Portugál iha situasaun normál hodi partisipa iha Eleisaun Prezidensiál.

“Ita hotu akompaña katak, situasaun ikus iha nasaun sira, ita hotu hatene katak iha situasusn Pandemia Covid-19 nian, maibé ita hotu akompaña katak, situasaun hahú normál, entaun ba nasaun tolu seluk laiha problema, maibé Austrália mak semana oin mak sei iha vó normál bele semana ida dala tolu”, hatete nia.

Tanba iha nasaun haat ne'ebé mak sidadaun sira iha ne'e sei haruka Buletin votu ba kada Embaixada Timór nian iha nasaun haat sira ne'e, no sei responsável husi diplomata hodi prezide prosesu atu nune'e sidadaun sira tuir eleisaun prezidensiál.

“Kuandu to'o iha iha ne'ebá vota hotu sei haruka kedas mai iha apuramentu nasionál durante oras 72”, esplika nia.

Antes ne'e, Ministru Administrasaun Estatál (MAE), Miguel Pereirra de Carvalho hatete, provizoriamente eleitorál diaspora STAE rejista ona 846.653.

“Iha rai laran no rai li'ur la'o namanas hela to'o rezultadu ikus ne'ebé ha'u simu husi STAE hamutuk rejista ona eleitór hamutuk 846.653”, dehan nia. preparasaun ba eleisaun prezidensiál tinan 2022. (*)