“Ema ho Difisiénsia iha territóriu laran, husi númeru ida ita halo peskiza ne'e 32 pursentu rekoñese katak sira seidauk simu subsídiu husi Ministériu Solidariedade Sosiál no Inkluzaun, subsídiu ne'ebé mak iha entaun situasaun ne'e rekomenda tanba saida mak la simu?. E balun simu tiha para fali kontinuasaun laiha”, dehan Sezario da Silva ba jornalista sira iha Salaun João Paulo II Komoro, segunda, (21/02).
Tanba setór apoiu seguransa sosiál liliu subsídiu sosiál ne'ebé Governu oferese, mak liuhusi peskiza ne'ebé halo 32% seidauk asesu subsídiu refere.
Maib’e iha defisiente balun seidauk asesu tanba laiha dokumentu komprovativu sira, liliu maluk sira problema psikososiál, ka saúde mental sira ne’e. Maske balun hetan ona subsídiu iha tinan ida nia laran maibé iha tinan tuir sira labele hetan subsídiu.
“Tanba ida ne'e mak rekomenda ba Ministériu Solidariedade Sosiál no Inkluzaun (MSSI), atu asegura sa mekanizmu liliu ba kritéria sira mak ema ho Difisiénsia sira bele asesu ba subsídiu hodi hatan ba númeru ne'ebé mak seidauk asesu”, afirma nia. (*)