Tempotimor (Dili)-Diretór Jerál Servisu Korporativu Ministériu Saúde, Marcelo Amaral hatete, subsídiu liña frente ba Ekipa husi Ministériu Saúde sei iha hela faze prosesu verifikadaun dadus tanba bazeia ba sira-nia kategória servisu.

Tempotimor (Díli)-Ministru Assuntu Parlamentár e Komunikasaun Sosiál (MAPKomS), Francisco Jerónimo Martins hatete, dadaun ne'e sei prepara hela lei ba Jornalista sira hodi hetan subsídiu kona-ba liña frente  Covid-19 nian ne'ebé mós hetan aprovasaun iha Parlamentu Nasionál.

Tempotimor (Dili)-Xefe Bankada Kmanek Haburas Unidade Nasionál Timor Oan (KHUNTO) iha Parlamentu Nasionál (PN), Deputada Olinda Guterres, sente moe ho servisu Governu atraza halo pagamentu subsidíu ba pesoál liña frente sira.

Tempotimor (Dili)-Vise Ministru Interiór (MI), António Armindo hatete, lista ne’ebé aprezenta ona ba Ministériu Finansas hodi hetan subsídiu membru Polísia Nasionál Timor-Leste (PNTL) kuaze maioria servisu iha liña frente.

"Pagamentu ba liña frente sira ne'e, dezde uluk iha ona Ministériu Finansas. Lista ne'e ha'u la lembra, mais kuaze imi haree, puré zemplu hanesan PNTL, sira kuaze hothotu iha ona liña frente, tanba kalan, loron mak iha hela estrada, halo cheeck point, balu iha fronteir. Ne'e ha'u hanoin kuaze hothotu iha liña frente. Hothotu kedan, mais ita hein desizaun bainhira mak atu halo pagamentu", dehan António Armindo, iha Palásiu Governu, kuarta (15/09).

Bainhira atu halo pagamentu, Ministériu Interiór nia kna'ar mak atu submete ka hatama de'it lista naran pesoál liña frente sira-nian, maibé atu halo pagamentu ne'e, kabe fali Ministériu Finansas (MF).

Tanba ne'e, husu ba membru PNTL sira atu nafatin hala'o servisu iha terrenu hodi hein desizaun pagamentu husi MF.

"Ita submete de'it. Purtantu, sira ne'e hotu, puré-zemplu hanesan PNTL nian iha hotu iha ne'ebá, sira ne'ebé mak servisu iha migrasaun, mós iha hotu ne'ebá. Ba iha ne'ebá ita sei hein desizaun Ministériu Finansas de'it. Tanba pagamentu ne'e la'ós Ministériu Interiór mak halo”, afirma nia.

Entretantu progresu ba ezekusaun Orsamentu Jerál Estadu (OJE) iha Minitériu  Interiór la'o ho di'ak, no atinje ona pursentu limanolu-resin-rua (52%).

"Purtantu, iha atraza oituan, tanba ita iha U$3 millaun ne'ebé mai husi fundu kontijénsia, fó ba dezastre naturál, ne'ebé agora dadauk sei halo hela aprovizionamentu ba protesaun sivíl nian, ne'ebé ezekuta ba food item ho no food item. Mais ida ne'e la'ós ha'u-nia kompeténsia, depois kuandu saida, ita-boot (jornalista) sira bele husu ba protesaun sivíl”, dehan nia. (*)

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, husu ba entidade liña frente sira iha postu administrativu Soibada, liuliu pesoál saúde, seguransa no Autoridade Munisipál to’o iha nível suku no aldeia sira atu hamutuk unidade no fó solusaun hodi hahú responsabilidade serbisu ho profisionál.

Tempotimor (Dili)-Xefe Bankada Kmanek Haburas Unidade Nasionál Timor Oan (KHUNTO) iha Parlamentu Nasionál, Olinda Guterres, ezije ba Governu atu ezekuta orsamentu ba Covid-19 hodi selu servisu sira iha liña frente, tanba hetan ona aprovasaun no promulgadu husi Prezidente Repúblika.

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, apresia liña frente sira iha Postu Administrativu Laklubar, Munisípiu Manatuto.

Tempotimor (Dili)-Xefe Bankada Frente Revolusionáriu Timor-Leste no Independente (FRETILIN), Francisco Miranda Branco, husu Governu presiza rekruta tán pesoál hodi reforsa serbisu iha liña frente.

"Bankada FRETILIN sujere ba Governu atu reforsa ‘frontline’ saúde liuhusi rekrutamentu ‘Recursos Humanos’ hodi hatán ba situasaun ida-ne’e", dehan nia iha plenária PN, tersa (24/08).

Husu atu solusiona lailais, subsídiu ba pesoál saúde ‘frontline’ ne’ebé seidauk hetan sira-nia direitu.

Bainhira dekreta konfinamentu obrigatóriu iha kapitál Díli no iha munisípiu atu kombate propagasaun variante foun, Governu presiza halo uluk avizu ba populasaun sira hodi prepara sira-nia an.

"Nune’e mós Governu presiza prepara kondisaun lojístika ruma molok dekreta medida konfinamentu obrigatóriu", dehan nia.

Tanba populasaun saturadu, baruk no kolen ona ho situasaun ida-ne’e, purtantu at liu ona polítiku sira balu ne’ebé politiza moras pandemia mundiál ida-ne’e, tanba sira-nia hanoin‘post power syndrom’.

Ho situasaun ida-ne’e, profisionál saúde sira mós dezgastadu ho karga orária serbisu nian tanba númeru infetadu ne’ebé aumenta loron ba loron.

Husu líder polítiku sira, tenke kompara moris hanesan povu, nu’udar mós hanesan nasaun bele kontribui lisuk ho hanoin pozitivu, konstrutivu, no hahalok atu lailais normaliza situasaun ida-ne’e, no lailais hasai karga serbisu profisionál saúde sira-nian hodi fó mós tempu ba sira-nia an no ba sira-nia família.

"Oinsá ita bele kombate vírus Covid-19 ho variante foun, karik ita hotu la esforsu hamutuk, evita halibur ema barak iha fatin oioin, iha reuniaun sira, iha festa sira no fatin turizmu sira?", dehan nia. (*)

Tempotimor (Dili)-Parlamentu Nasionál (PN) halo ona aprovasaun ba pedidu autorizasaun Prezidente Repúblika (PR), Francisco Guterres Lú Olo, atu kontinua dekreta Estadu Emerjénsia (EE) ba dala-17 iha Timor-Leste.

Tempotimor (Dili)-Prezidente Repúblika (PR), Francisco Guterres 'Lú Olo', promulga ona alterasaun daruak ba dekretu lei suplementu remuneratóriu ba servisu liña frente.

Tanba traballadór sira iha liña frente  tenke hala’o sira-nia atividade profisionál iha  servisu prevensaun no kontrolu Covid-19 no iha situasaun risku hetan kontájiu husi vírus kauza moras Covid-19.

Uluk liu, Prezidente Repúblika promulga Dekretu-Lei ho númeru 17/2020, iha  30 abril, hodi fó direitu ba traballadór liña  frente atu idaidak simu  mós suplementu remuneratóriu ida, ho efeitu  husi marsu 2020 no iha setembru 2020, Dekretu-Lei ne’e hetan alterasaun dahuluk.

"Proposta alterasaun daruak ba Diploma ne’ebé hetan  promulgasaun horseik,  23 agostu 2021, husi Prezidente Repúblika Francisco Guterres Lú Olo, fó-hatene katak pagamentu suplementu remuneratóriu relasiona ho Covid-19, ne’ ebé hahú  iha marsu 2020 sei implementa to’o dezembru 2021 bainhira  OGE 2021 mós remata. Karik presiza hatutan suplementu ne’e ba tinan 2022, presiza iha fali Dekretu-Lei foun ida", haktuir liuhusi komunikadu imprensa ne'ebé www.tempotimor.com asesu iha tersa (24/08).

Osan ba selu suplementu ne’e hasai husi Fundu Covid-19 ne’ebé hari’i iha Timor-Leste liuhusi lei n°2/2020, 6 abril.

Ho alterasaun ne’ e, traballadór sira  ne’ ebé servisu iha servisu Administrasaun direta ka indireta Estadu nian no hala’o kna’ar iha risku laran relasiona ho Covid-19 husi marsu 2020, bainhira hatudu prova dokumentál, iha direitu atu hetan  pagamentu suplementu remuneratóriu  ba kada loron servisu efetivu  ne’ebé halo tiha ona. 

Ho objetivu atu proteje direitu adkiridu husi traballadór sira iha liña frente husi kedas marsu 2020 mak Prezidente Repúblika veta diploma  kona-ba Suplementu Remuneratóriu ne’ebé Governu hato’o iha fulan-jullu 2021.

Dekretu-Lei ida ne’e akomoda hotu ona preokupasaun ne’ebé Prezidente Repúblika hato’o ba Governu liuhusi mensájen iha 24 juñu 2021.

Nune'e dekretu-Lei hetan ona aprovasaun husi Konsellu Ministrus iha 4 agostu, Governu haruka mai Prezidénsia iha 11 agostu 2021 no Prezidente Repúblika promulga iha 23 agostu 2021. (*)