Tempotimor (Dili)-Koordenadór Forsa-Tarefa ba Prevensan no Mitigasaun Surtu Covid-19 iha Timor-Leste, Rui Maria de Araújo informa, iha loron segunda (14/06) timoroan na'in-1 mate tan ho Covid-19 iha sala izolamentu Vera Cruz.

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK)  iha sábadu (12/06) rejistu kazu pozitivu Covid-19 foun 83 no kazu ativu 1580

"Kazu detetatu foun 83 (iha Dili 66, iha munisípiu seluk, 17) no totál kazu ativu 1580”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, sábadu (12/06).

Husi totál kazu detetadu foun Iha mane 49, feto 34 ho idade entre tinan 12-59 na'in-77 (92,7%), ho idade 60 na'in-6, proporsaun kazu sintomátiku hamutuk 8,4%, Kazu rekuperadu 119 no totál kazu konfirmadu kumulativu iha 12 fulan-juñu 2021 (sura husi 21 Marsu 2020), 8228.                     

Husi loron 11 to’o 12 fulan-juñu, hamutuk hotu Laboratóriu Nasionál Saúde halo 1334 testes PCR iha Dili, ho detalla hanesan, bijilánsia sentinela 56, rastreiu ba kontaktu (contact tracing) 104, rastreiu Aleatóriu (random screening) 237, viajen sai husi serka sanitária munisípiu Dili 851 no follow up iha kuarentena 86.      

Rezultadu testes PCR ne’ebé halo iha loron 11 fulan-juñu iha munisípiu sira seluk REAOA ho HNGV, hamutuk 468, ho detalle hanesan, Baukau 129, Ermera 26, Maliana 21, Maubisse 86, RAEOA 18, Suai 47, Vikeké 31 no HNGV 110. (*)

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) rejistu kazu detetadu pozitivu Covid-19 foun hamutuk na'in-140 no rekuperadu 190.

Tempotimor (Dili)-Governu liuhusi Ministériu Saúde (MS) fó sai aban, loron kinta (10/06) sei halo lansamentu Vasina ba faze daruak nian hodi kompleta doze dala-rua, ba sidadaun sira ne'ebé simu ona vasina iha doze dahuluk.

Tempotimor (Dili)-Ministériu Saúde (MS) liuhusi Sentru Integradu Jestaun ba Krize (SIJK) iha loron tersa (08/06) rejista kazu rekuperadu Covid-19 hamutuk 214 no kazu ativu 2115.

Tempotimor (Dili)-Ministériu Saúde liuhusi Sentru Integradu Jestaun Krize (SIJK) rejistu kazu rekuperadu Covid-19 hamutuk 152 no kazu pozitivu foun 81.

Tempotimor (Dili)-Governu liuhusi Ministériu Saúde (MS) komesa prepara rekursu umanu iha área espesiálista sira hodi evita transfere pasiénte ba halo tratamentu iha estranjeiru.

Tempotimor (Dili)-Diresaun Alfándega Timor-Leste konsege rejísta importasaun tabaku hamutuk tonelada 298 mai Timor-Leste (TL) iha tinan 2020.

"Atu informa de'it katak iha dadus kona-ba importasaun tabaku iha janeiru to'o dezembru 2020 hamutuk 928, ida ne'e tabaku ne'ebé mak importadór sira importa mai liuhusi rekezitu ne'ebé mak ministériu saúde iha", informa Diretór Alfándega TL, João Ximenes hafoin partisipa iha Workshop komemora loron mundial tabaku iha Otél Novu Turízmu, Lesidere, kuarta (02/06).

Importasaun tabaku hirak ne'e, bazeia ba dekretu lei númeru 14/2016, loron 08 juñu kona-ba rejíme kontrolu tabaku nian.

"Ida ne'e katak importadór sira kumpri ona regra ida ne'e, liuhusi ministériu saúde nian. Purtantu, ita iha aumentu ba ida ne'e, kompara ho tinan rua, tinan tolu liuba, anterior. Covid mós importasaun mai nafatin", dehan nia.

Kona-ba tabaku sira ilizítiu ne'ebé tama la tuir rekezitu husi Ministériu Saúde (MS) nian, automatikamente sei koopera hamutuk ho alfándega hodi halo  prevensaun, inspesaun no prensaun ba tabaku sira ne'e.

Tanba iha tinan 2020, Alfándega halo ona inspesaun ba tabaku sira ho kilograma hamutuk rihun-rua-resin.

"Reseita ita depende ba importasaun tabaku ne'ebé mak iha, tanba ne'e normalmente ita aplika dekretu lei númeru 14/2017, ita aplika kona-ba taxa 5 pursentu, importasaun de taxa nomós taxa de venda 5 pursentu (5%), depois ita aplika mós lei tributária númeru 08/2008, ita aplika liliu kona-ba item sigaru nian ne'e, 19 dolláre kada kilo”, esplika nia.

Diretór Nasional husi Ministériu Saúde (MS), Josefina Clarinha João relata, tuir dadus mundial hatudu, kada tinan ema kuaze rihun-ualu (8) liu mak mate, tanba kauza husi fuma tabaku.

"Husi 8 millaun ne'e, 7 milliaun sira ne'ebé mak sai hanesan fumadór ativu, no milliaun 1.2 ne'ebé mak ema hirak ne'ebé ita temi ho naran fumadór passivu, ou hirak ne'ebé mak hetan sigaru ninia suar husi ema seluk ne'ebé fuma”, relata nia.

Tanba ne'e, husu ba populasaun hotu iha TL, atu hapara ona fuma tabaku hodi bele moris ho kondisaun saúde ne'ebé saudável. (*)

Tempotimor (Dili)-Governu liuhusi Ministériu Saúde (MS) sei buka maneira atubele hamenus númeru fumadór iha Timor-Leste (TL).

Tanba ne’e, MS realiza Workshop ho Thema "Hapara Fuma Hodi Redúz Tabaku Iha Timor-Leste no Prevene Moras Krónika La Hada'et”, hodi komemora loron mundiál tabaku ne'ebé monu iha loron 31 fulan-maiu.

Workshop ne'e, Vise Ministru Saúde (MS),  Bonifáçio ‘Maukoli’ dos Reis hatete, Organizasaun Mundial Saúde (OMS) nafatin fó apoiu ba MS hodi prepara kondisaun ba fumadó sira atu para.

"Sim, OMS protidaun nafatin ho Ministériu Saúde (MS) liliu apoiu MS atu haree iha ne'ebá, hodi estabelese Sentru Para Fuma atu ajuda ema sira ne'ebé hakarak fila karik ita bele fornese tulun ba sira oinsá atu hapara fuma”, dehan Bonifáçio iha abertura Workhsop ba komemora loron mundial Tabaku iha Otél Novu Turízmu, kuarta (02/06).

Iha mós pontu ida bolu liña komunikasaun, atubele halo konsellamentu ba parte sita halo kooperasaun ho MS, Ministériu Finansas, Ministériu Komérsiu hodi hasa'e taxa tabaku nian.

Aliende ne’e, MS halo monitorizasaun ba liña implementasaun ba kontrolu tabaku iha Timor-Leste.

Entretantu, Diretór Jerál Prestasaun Saúde, Odete da Silva Viegas esplika, dadaun ne’e prepara ona sentru hapara fuma tabaku iha sentru Saúde balun iha Kapitál Díli atinje ona pursentu 70 no hein nia implementasaun.

"MS atu kria sentru hapara fuma ne'e liuhusi prosesu infrastrutura ita kuaze atinje ona pursentu 70 ita halo iha Sentru Saúde Formoza e ita mós hanoin atu expande ba sentru Saúde Komoro no iha futuru ita mós expande ba Munisípiu sira”, dehan nia. (*)

Tempotimor (Dili)-Polísia Nasionál Timor-Leste (PNTL) sei kontinu fiskaliza komunidade sira atu kumpri regra husi  Organizasaun Mundial Saúde (OMS) ho Ministériu Saúde (MS) hodi evita propagasaun surtu Covid-19 iha Timor-Leste.