Tempotimor (Dili)-Prezidente Tribunál Rekursu (PTR), Deolindo dos Santos, deside halo reuniaun ho orgaun soberania rua hanesan Parlamentu Nasionál (PN) no governu molok ba kontinua nia mandatu, daruak nian iha tinan haat nia laran.

Ho komfiansa ne’ebé hetan husi prezidente Republika (PR), iha kuarta (05/05) nia parte hasoru malu ho Prezidente Parlamentu Nasional, Aniceto Longuinhos Guterres Lopes, hodi hato'o komprimentu liliu ba membru PN tomak.

“Ha’u halo pedidu ba Prezidente Parlamentu Nasionál, no ba primeiru ministru, para bele iha reuniaun ruma ho sira, nu’udar orgaun soberania, antes ha’u kontinua ha’u-nia mandatu ba tinan 4. Ohin ko’alia ho PPN, primeiu atu komprimentu prezidente, ho membru PN tomak, tanba ha’u hetan konfiansa foun hodi hala'o servisu ne'e ba tinan 4 tan, ida ne'e mak ohin ha’u hato'o,” hatete nia iha Parlamentu Nasional, kuarta (05/05).

Durante sorumutu ho Prezidente PN, Aniceto Guterres, ko’alia mós kona-ba deklarasaun rikusoin deputadu sira-nian ba Tribunál Rekursu (PTR) tanba Lei Medida Prevensaun no Kombate Korrupsaun (MPCC-sigla portugés) mak obriga.

Prezidente Tribunál Rekursu, fó sai ida-ne’e tanba Lei Medida Prevensaun no Kombate Korrupsaun tama iha faze implementasaun entaun membru órgaun soberania tenke deklara rikusoin.

“Ne’ebé Lei MPCC ne’e entrada ein-vigór ona entaun Parlamentu Nasionál tenke haruka deklarasaun deputadu sira-nian kona-ba rikusoin ne’e ba Tribunál Rekursu tanba lei mak fó”, dehan nia.

Tuir loloos, Parlamentu Nasionál entrega deklarasaun rikusoin ba tribunál supremu maibé tan seidauk iha entaun Tribunál Rekursu mak implementa kompeténsia ida ne’e. (*)

Tempotimor (Dili)-Prezidente Tribunal Rekursu (PTR), Deolindo dos Santos rejeita fó komentáriu ba deklarasaun husi deputadu bankada CNRT ne’ebé akuza nia komete krime iha Komisaun Nasionál Eleisaun (CNE), tanba konsidera  nu’udar asuntu diskusaun Parlamentu Nasionál.

Tempotimor (Dili)-Prezidente Tribunal Rekursu (PTR), Deolindo do Santos hatete, presiza halo reinaun konkretu ba implementasaun Lei Prevenção e Combate Corrupção (LPCC) nune'e labele hamosu difikuldade ba entidade