Ministru hatete, kestauan ne'ebé inportante maka ezijénsia profesór voluntáriu ne'ebé to'o ohin loron seidauk hetan kontratu.
Ne'e duni, nia hatete, agora dadaun ministériu edukusaun sei identifima ba dadus profesór ne'ebé servisu ho voluntáriu iha Timor-Leste.
"Profesor voluntáriu sira iha Timor-Leste agora Ministériu Edukasaun hahú identifika ona dadus sira iha territóriu Timor laran tomak, tanba ne'e ita hein deit, "dehan Ministru Jerónimo, iha plenariu, Segunda (20/7).
Antes ne'e, deputadu bankada CNRT Gabriel Soares husu ba governu atu bele buka identifika profesores sira ne'ebe to'o agora kontinua servisu ho voluntariu no la hetan kontratu.
"Tuir informasaun to'o agora profesór voluntáriu barak mak seidauk hetan kontratu maski sira servisu to'o ona tinan barak mas sira kontinua la hetan kontratu husi governu," dehan nia.
Nia afirma, karik seidauk prienxe kritériu entaun ministériu edukasuan tenke fundamenta razaun atu públiku bele kompriende. (*)