Komandu PNTL Baukau, Superintendente António De Sá, hatete, auto-stop liga ho divulgasaun voice ne'ebé lansa iha média sosiál, kona-ba asaltu karreta Bus sira husi diresaun leste liu-liu ba Munísipiu Lautém no Vikeke.
"Komandu Munísipiu Baukau, diresaun ne'ebé mak Bus sira ultrapasa, entaun ita intesifika iha parte opersaun Chek point nian atu bele prevene liga ba arma branka nian," dehan nia iha kna'ar fatin, kuarta (27/04).
Tanba ne'e, komandu nafatin orienta membru sira halo auto-stop ba karreta no motor hodi evita sasan kro’at atu ema balun labele sai tán vítima.
"Felizmente ita nia chek point sira ne'e, la hetan arma branka ruma, laiha sasan kro’at ruma, maibé ida ita detekta mak liga ba kodigu estrada nian," nia hatete
Alende ne’e, husu mós dokumentu karreta no motor nian inklui kartu kondusaun, tanba asidente iha Munisipiu Baukau kuaze númeru hamutuk 12 rejistu iha fulan-abríl tinan-2022.
"Totál asidente ne'ebé ita rekolla ne'e, hahú husi dia 01 abríl asidente kaman hamutuk 8, asidente grave mate totál 2, asidente kanek krave na'in-2," nia relata
Asidente refere, involve barak mak husi estudante sira, tanba uza motorizada halai latuir lei kodigu estrada, lauza kapaseti.
Nune'e, liuhusi auto-stop ba karreta no motor ne'e, hanesan autoridade segúransa, mantein lei no ordem, oinsá proteje komunidade nia vida, liuhusi atividade chek point.
Auto-stop ba karreta no motor ne'ebé durante PNTL Baukau liuhusi seksaun Polísia tranzitu halo iha fulan-abríl tinan-2022, apresaun ba karreta 9 inklui motor 43, balun selu ona koima ba estadu.
"Chek point horseik ita tahan motor 43 hodikalan lori hotu mai, tantu 8 mak devolve tiha ona sira kumpri tiha ona selu koima, sei hela 35 hein prosesu ba oin, bainhira na'in mai kumpre selu koima iha Banku, prontu foti fali," nia informa
Husi motorizada ne'e, balun laiha dokumentu komprovativu hanesan dokumentu motor nian no karta kondisaun.
Tanba ne'e, apela ba entidades hotu, utiliza transposte karreta tenke iha dokumentu komprovativu, hanesan dokumentu karreta nian inklui karta kondusaun.
Nune'e mós, ba motorizada sira, halo viajem, tenke uza kapaseti inklui mós lori dokumetu motor no karta kondusaun (SIM). (*)