“Husi unidade espesiál da polísia liliu iha seguransa Pesoál, ita-boot sira hatene ona katak akompaña iha mídia sosiál sira ita-nia preparasaun ba eskoltu ba alta entidade sira maihusi nasaun seluk liliu hanesan VVIP (Very Very Important Person) sira VIP (Very Important Person) sira ne'ebé mak halo preparasaun treinamentu ba ita-nia membru CSP hodi halo preparasaun ba standart internasionál nia”, dehan Superintende Xefe Orlando Gomes ba jornalista sira bainhira halo simulasaun ba hodi simu bainaka internasionál sira iha Aeroportu Internasionál Prezidente Nicolau Lobato, Komoro, sábadu (16/05).
Maske membru CSP ne'e treinadu ona maibé tanba serimónia ida ne'ebé internasionál ho nune'e kontinua refreasing training hodi nune'e asegura alta entidade sira ne'ebé mai partisipa iha Loron Independensia ba dala 20 ambitu investudura ba Prezidente Repúblika Eleitu, José Manuel Ramos Horta.
“Horseik ita iha Komandu unidade espesiál polísia kuaze iha halo formasaun treinamentu filafali ba sira oinsá sira bele halo servisu ho Profesionál”, hatete nia.
Dadaun ne'e treinamentu ba CSP enjerál hamutuk 150 pesoál maibé kona-ba atende kada bainaka alta entidade husi estranjeiru sei koloka VVIP no VIP tuir Orientasaun Komandu operasionál PNTL.
Ba Xefe Estadu ne'ebé mak vizita iha loron Komemorasaun loron independénsia ne'e Polísia Militár (PM) sira mak sei atende no Xefe Governu sei atende husi Polísia Nasionál Timor-Leste (PNTL) rasik.
Ho atividade simulasaun operasaun hodi simu bainaka internasionál ne'e realiza husi PNTL iha Munisípiu Díli, hamutuk ho Polísia Militár (PM) no Protokolu husi Ministériu relevante sira. (*)