Tuir informasaun ne’ebé www.tempotimor.com asesu iha pájina relasaun informasaun públika FALINTIL FDTL, tersa (14/06), katak, kuandu lingua portuguesa ne’e hotu mak foin tama iha siénsia militár to’o fulan-dezembru tinan 2022.
Reprezentante Komandante Sentru Instrusaun Komandante Nicolau Lobatu, Major Infantaria Agustinho Pinto hatete, kursu ba Kapitaun hahú husi loron 13 fulan-juñu to’o 15 jullu 2022 ho lingua portuguesa.
“Iha kursu ida-ne’e importante buat tolu mak ita sei aprende, iha parte formasaun jerál, parte formasaun espesífiku no ezersísiu konjuntu ka estabilizasaun. Kuandu fulan tolu ne’e termina membru sira sei filafali ba sira-nia komponente no unidade durante fulan ida depois filafali mai iha sentru formasaun hodi hahú ezersísiu konjuntu. Komponente rua ne’ebe lahanesan ita labele kursu to’o fulan-neen kompletu tanba Komponente navál nia materia limitadu ho ida-ne’e ita sei iha oras 126 horas de’it”, esplika nia.
Ba dezenvolve iha área operasionál liga liuba Komponente Terrestre tanba ne’e sei dezenvolve iha área terrestre liga liuba patrullamentu ninia.
Ho formasaun ne’ebé halo, maske hasoru dezafiu barak maibé kontinua haka’as hodi hasoru dezafiu hirak ne’e no tuir formasaun sira ne’ebé mak hetan ona husi parte kompetente sira.
“Dezafiu hirak ne’e la’ós foin mak akontese iha tempu ida-ne’e maibé hahú kedas husi tempu ne’ebé ami hahú formasaun ba to’o ohin loron. maibé halai liuba siénsia militár labele dúvida tanba ita iha materia sufisiénte atu bele transmite ba malu”, haktuir nia.
Bainhira atu sai komandante kompaña tenke hahú ho formasaun hodi nune’e bele hatene membru boot sira-nia tarefas. Tanba funsaun sai komandante kompaña saida mak membru sira sei halo sei aprende hamutuk iha formasaun.
Maibé kona-ba lingua portuguesa nian iha formadór husi Portugál mak sei hamutuk durante semana lima nia laran. (*)