Komandante Operasaun PNTL Munisípiu Dili, Inspetór Xefe Delfin da Silva hateten, durante loron 13 hahu iha loron 01 too 13 fulan agostu PNTL Dili rejista kazu krime hamutuk 50, maibe asaltu malu ho violensia domestika mak numeru nee aas.
“Iha loron 13 nia ita rejistu kazu krime neebe akontese iha área juridiku Munisipiu Dili mak hanesan kazu asaltu 22, Violensia Domestika 11, Roubo 6, Furtu 3, danu agravadu 3, omesidu 2, ameasa 2, no Violensia seksual ida ho total hamutuk mak kazu krime 50 akontese iha área juridiku Munisipiu Dili”, dehan, Delfin iha Kna’ar fatin PNTL Kaikoli, segunda (15/08).
Ba kazu sira ne’e PNTL konklui ona prosesu investigasaun no haruka ona ba Ministériu Públika (MP) ho Tribunál atu kontinua halo prosesu hodi foti desizaun.
“Kazu krime sira ne’e ita aprezenta hotu ona ba Ministériu Públika hodi kontinua prosesu judisiál nian atu hetan desizaun iha tribunál tuir lei ne'ebé mak vigora iha Timor-Leste”, informa nia. (*)