Akontesimentu ne’e, iha loron 26 fulan-setembru tinan 2022, oras 10:00 kalan otl, ne’ebé mosu konfrontu entre joven sira husi suku Baricafa ho Suku Luro no iha momentu ne’e kedas parte Polísia halo ona atuasaun hodi evakua vitíma ba hospital no kontinua transporta ba Hospital Referal Baucau.
Tuir informasaun ne’ebé www.tempotimor.com asesu iha pajina espesial Komandu PNTL Munisipiu Lautem, iha loron 27 fulan-setembru tinan 2022, katak, motivu husi akontesimentu ne’e, konfronta entre grupu Arte Marsias KORK no IKS, ne’ebé provoka malu, ne’ebé rezulta vitima Samuel Ximenes heta taan kanek iha parte ulun no liman.
Tuir informasaun, vítima ne’e, involve aan iha grupu arte marsiais IKS no suspeitu sira husi grupu Arte Marsiais KORK.
Investigador Eskuadra Polísia Luro dadaun hala’o hela prosesu investigasaun no aban loron 28 fulan-setembru tinan 2022 sei aprezenta ba Ministeriu Públiku (MP) Baucau atu kontinua prosesu. (*)