Tuir observasaun ne'ebé www.tempotimor.com asesu iha terenu, PSIK asegura ona vítima hodi identifika no foti dadus ruma relasiona ho krime Burla tendensia ba trafiku umanu.
Vítima hirak ne'e, foin fila husi estranjeiru (Portugál) ho Aviaun Air Asian, ne’ebé to'o iha Aeroportu Internasionál Nicolau Lobato iha tuku 10:30 dader, nune'e ekipa PSIK Kaptura lori kedas mai iha Edifísiu PSIK Kaikoli.
Nune’e, vítima sira dadaun iha hela rezidénsia PSIK hodi kontinua prosesu rekolla informasaun relasiona ho vítima ba Krime Burla tendensia trafiku umanu ne'ebé komete husi Kompaña New Jeneration. (*)