Tuir informasaun ne'ebé www.tempotimot.com asesu iha pájina ofisiál Servisu Relasões Públikas, kuarta (02/03) katak, Ministériu Interior liuhusi Diresaun Jerál Servisu Migrasaun simu sidadaun timoroan 14 ne’ebé deporta husi Malázia, fila hikas mai Timor-Leste, ho Vo’o Batik Air OD 8213.
Sidadaun na'in-14 ne'e, kompostu husi, feto 2 no mane 12, wainhira to'o iha Aeroportu Internasionál Prezidente Nikolau Lobato ho Vo’o Batik Air OD 8213, oras 7:30 dadeer ne'ebé simu direita husi servisu Migrasaun hodi submete ba prosesu investigasaun.
Enkuantu daudaun Servisu Investigasaun Kriminál halo hela identifikasaun ba sidadaun na'in-14, nune’e bele hatene nia motivu no kronolojia sira. (*)