Amerika fó Aviaun ba TL, Tempu Besik sei To’o

Ministru Defesa Filomino da Paixao ko'alia ba Jornalista sira iha Palasiu PR iha momentu ruma liu ba Ministru Defesa Filomino da Paixao ko'alia ba Jornalista sira iha Palasiu PR iha momentu ruma liu ba Foto File

Tempotimor (Dili)-Estadus Unidus Amerika (EUA) halo ona konkordansia ho governu Timor-Leste atu fó aviaun patrolamentu ida ba Timor-Leste. Iha tempu badak nia laran, aviaun husi Amerika ne’e sei mai Timor-Leste.

Ministru Defeza no Seguransa (MDS) Filomeno da Paixão de Jesus informa, Timor-Leste sei simu aviaun patrollamentu husi Estadu Unidus Amerika ne'ebé molok ne'e halo ona konkordansia.

"Kona-ba aviasaun, governu Amerikanu mós prontu ona fó avioneta ida ba Timor-Leste par halo vizilánsia maritime, tantu kosta sul no norte nian," dehan Paixão ba jornalista sira iha Palásiu Prezidensiál Bairu-pite, Tersa (04/08).

Aleinde fó aviaun ba TL, nia hatutan, EUA mós prontu atu dezenvolve aeroportu Baukau.

"Estadu unidus Amerika prontu par atu dezenvolve Aeroportu Munisípiu Baukau ba aeroportu ida polivalente, bele uza ba fins hotu-hotu. Ba fins militar nian liu ba atu fó apoiu umanitáriu ba populasaun, la'ós par ba funu nian," dehan nia.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.