“Agora dadauk ami kontatu ho parte patromóniu estadu para sei halo operasaun ba transporte ou viatura governu nian, tanba ida ne'e iha lei, fora de oras servisu ou loron feriadu nian ne'e, autoriza para loron feriadu nian ne'e, la autoriza para transporte governu nian ne'e atu halo movimentu, anaun ser que iha ordém de servisu, ita bele tolera para hodi hala'o atividade”, dehan Komandante Tránzitu Munisípiu Dili, Inspetór Polísia, Domingos Sarmento Gama, iha kna’ar fatin Kaokoli, segunda (19/07).
Tanba atividade operasionál ne'ebé halo, hamutuk ho patrimóniu pstadu sira, maibé hafoin estadu emerjénsia ne'e sira paradu, tanba movimentu ladun barak.
“Kuandu laiha autorizasaun servisu husi sira-nia diresaun ou departamentu sira ne'ebé mak funsionáriu sira halo kna'ar ba, ne'e ita prende, tanba sira laiha autorizasaun”, dehan nia.
Funsionáriu ida uza transporte estadu mak laiha asesória ne'ebé kompletu, sei haruka selu multa, no prosesa nia tanba utiliza sasán estadu nian iha tempu feriadu.
Bainhira PNTL identifika infrasaun hirak ne'e, parte patrimóniu estadu sei enkamiña kazu ne'e ba Komisaun Anti Korrupsaun (KAK) hodi halo investigasaun tuir kompeténsia.
“Loron feriadu mak sira kondúz, hanesan parte infrasor, ne'e infrasaun. Mais kuandu parte de uzu veikulu ne'e, krime. Krime, kuandu ita prende, ita delega ba KAK mak foin halo investigasaun. Parte kompeténsia KAK mak bele halo investigasaun. Ne'ebé prosesu kona-ba kazu sira tama situasaun sira hanesan ne'e, kazu barak mak agora dadauk iha hela kompeténsia KAK nian, entaun liuhusi patrimóniu estadu para sira haruka ba KAK para hola prosesu ba ida ne'e”, haktenik nia. (*)