"Komesa horisehik (12/7) to'o ohin (13/7), ko’alia kona-ba ró tranship II nian, Bankada KHUNTO nafatin hodi bankada governu hakarak ko’alia nafatin katak, prosesu ne'e agora iha ona investigasaun nia laran, husik ba ita fó kompeténsia ba KAK para hala'o sira-nia servisu”, dehan nia iha plenária Parlamentu Nasionál (PN), tersa (13/07).
Bainhira prosesu ne'e konsege identifika katak ró tranship II kondisaun labele ona atu halo operasaun, ne'e nu’udar bankada governu mós sei husu atu hapara operasaun ró refere.
"Se lae ita aluga ro ne'e mak ho kondisaun at ne'e mós, ko’alia buat ne’ebé mak los, ne'e la dun di'ak, ne'e kria impaktu negativu mai ita-nia povu e mós ba nasaun”, dehan nia.
Maibé Deputada bankada CNRT, Lusia Taeki, konsidera governu hakarak duni atu lori povu Oukessi no Ataúro mate ba ró ahi Tranship II.
Tanba públiku tomak akompaña kondisaun husi ró Tranship II difísil atu atraka iha portu maibé governu kontinua autoriza hodi halo operasaun.
Nune’e husu ba governu liuhusi Ministéru Asuntu Parlamentár no Komunikasaun Sosiál (MAPKomS) atu hato'o kestaun ne'e ba Konselhu Ministru hodi hapara operasaun ba ró refere. (*)