“Sua Exelénsia Komandante Jerál forma ona ekipa para hodi bele haree serbisu sira ne'e hotu, kuandu nia viola lei, 'hasai' okey", dehan Komadante PNTL, Operasaun Nasional, Superintendente Polisia, Pedro Belo, iha Komandu Jerál Kaikoli, kinta (12/08).
Maibé buat hothotu prosesu mak bele hatene. Tanba dadaun ne’e ekipa ida la'o ona prosesu mak bele responde.
Tanba Komandu PNTL nia misaun atu hala'o buat hotu tuir lei, bainhira iha membru viola lei, tenke liu uluk husi prosesu investigasaun mak deskobre fatu.
"Sé kuandu laiha, nia nafatin iha polísia, tanba buat ida ne'e kan ita tenke haree ho faktu sira ne'ebé mak iha. Tenke faktu mak hatudu katak ema ne'e sala ka la’e, kuandu hatudu ida ne'e, tenke liuhusi prosesu de investigasaun”, esplika nia.
Enkuantu, kazu membru UPF fasilita sidadaun timoroan sira hakat fronteira terrestre ho ilegál ne'e, akontese iha loron sábadu (07/08), maizumenus tuku 03:00, madrugada, iha Suku Saburai, Munisípiu Bobonaru. (*)