"Bazeia ba despaixu no sirkular, UPF mós simu ona, e ami hetan tarefas, apoiu seguransa ba loron finadu nia, liliu ba dia 1-2 ,UPF simu ona tarefas hodi apoiu komandu PNTL ba Munisípiu tolu no tarefas ne'ebé UPF simu mak atu garante seguransa iha Igreja, kapela no movimentu Sidadun hothotu ne'ebé mak ba semitériu tau aifunan”, dehan Euclides Belo, bainhira partisipa serimonia asina akordu entre PNTL ho UNPF iha Timor Plaza, kuarta (27/10).
Tanba ne’e, atu garante seguransa iha Munisípiu Bobonaru, Covalima, no Rejiaun Autonomia Espesial Oe-kussi Ambeno (RAEOA) hodi asegura Igreja, kapela no movimentu bainhira halo vijita ba família matebian sira-nia rate.
Nune'e husu ba komunidade sira ne'ebé atu ba rate labele hemu tua, labele lori sasán kroat, nune'e mós labele sadik malu iha rate.
"Ami husu ba komunidade sira ne'ebé hela iha fronteira atu labele konsumu álkool lori kroat ba rate no labele sadik malu, atu nune'e ita hotu festeza loron matebian ne'e ho di'ak ,maibé se mak mangame PNTL sei kaptura hodi prosesa tuir prosedimentu legál”, afirma nia. (*)