"Ita tenke garantia seguransa, tanba ne'e na’i-ulun boot Estadu nian, na’i-ulun boot Timor-Leste, hanesan seguransa, hanesan instrumentu Estadu, organ Estadu, tenke garantia seguransa ne'ebé mak di'ak ba ita-nia sua eselénsia Prezidente RDTL hamutuk ho entidade hothotu, administradór, ho kamada hothotu, ne'ebé pertense iha rai Manufahi, tenke hamutuk garantia estabilidade ba sua eselensiau Prezidente RDTL", dehan Ania iha Lesuati, tersa (16/10).
Nune'e PNTL halo planu ida ke feitu e ajusta mós ho planu nasional para oinsá garantia seguransa ida ne'ebé di'ak seguru ba sua eselensia Prezidente RDTL ho kumutiva.
"Portantu iha eventu ida ne'e ita hatun efetivu porvolta 101 atu bele fó seguransa ne'ebé di'ak, seguru ba ita-nia sua eselensia Prezidente Repúblika ho kumutiva durante loron ida ohin ate 18 desloka ba munisípiu Ainaro", esplika nia.
Enkuantu membru PNTL na'in-101 ne'e kompostu husi forsa no iha estimasaun hamutuk ho postu F-FDTL Betano ne'ebé mai husi komponente naval porvulta iha 30 e iha Manufahi 70-resin.
Administradór Munisípiu Manufahi, Arante Izac Sarmento hatete, hanesan servidór povu iha munisípiu Manufahi rasik sente kontente ho Prezidente Repúblika, Francisco Guterres 'Lú Olo' ho espoza ninia vizita hodi halo dialogu ho komunidade sira.
Tanba Xefe Estadu bele rona direita komunidade ninia halerik no preokupasaun ne'ebé durante ne'e sira sente hela.
"Ami kontente tanba ita hotu hatene, Prezidente Repúblika susar tebes bainhira atu ba hasoru direita, ha'u hanoin ho vizita Xefe Estadu nian, hanesan servidor povu ho mós povu iha munisípiu Manufahi sente kontente tebes tanba durante ne'e hein hela ita-nia Xefe Estadu mai iha Manufahi atu bele haree no rona direita kondisaun ne'ebé povu sira hasoru nomós povu bele rona mensajen furak ne'ebé Xefe Estadu sei hato'o”, hatete nia. (*)