Iha seremónia marka naran ne’e, Governu Austrália liuhusi Embaixadoor iha Timor-Leste (TL), Pitter Roberts hamutuk ho Vise-Xefe Estadu Maior Jenerál FALINTIL-Forsa Defeza Timor-Leste (F-FDTL), Major Jenerál Domingos Raul "Falur Rate Laek" fó ona naran ba ró patrullamentu rua ne'ebé sei mai iha tinan 2023.
Ró rua ne'e oferese husi Governu Austrália ba Komandu Jenerál FALINTIL Forsa DefezaTimor-Leste (F-FDTL), Komponente Navál, atu bele hala’o patrullamentu ba riku-soin iha tasi Timor nia.
Naran rai ne'ebé deside tau ba ró rua ne'e tanba rai ne'e mós pertense ba rezisténsia istorika no rai refere lokaliza iha Munisípiu Vikeké
Tanba kontesimentu istória lubuk ida desde Segunda gerra mundiál to’o mai iha istória resente luta rezisténsia ninia realiza iha fatin ne'ebá hotu.
"Sim ita fó naran ró rua ne'e ho NRTL-AITANA no NRTL-LALINE, tanba ne'e nu'udar tradisaun ita-nia, ne'ebé akontesimentu istória lubuk ida desde segundu gerra mundiál to’o mai iha istória resente luta rezisténsia ninia realiza iha Vikeké nia, no ita tau naran ne'e para ita relembra no memoriza no transmite ba jerasaun vendura sira liliu ba forsa armada sira atu hatene, fatin istóriku sira ne'e”, dehan Major Jenerál Domingos "Falur RateLaek", iha Baze Komponente Naval, Hera, kinta (09/12).
Embaixada Austrália iha Timor-Leste, Pitter Roberts deklara, ne'e nu'udar orgullu boot ba Governu Austrália tanba Timor-Letse marka naran ba ró tuir istória Timor nia.
"Ohin marka onra boot mai ha'u atu selebra fó naran ba ró rua ne'e, nu'udar reprezentante Governu Austrália sente orgullu tebes tanba ita-boot sira marka naran ba ró ne'e tuir istória Timor nia”, dehan nia.
Durante servisu iha Timor-Leste haree katak F-FDTL liliu komponente Navál sira iha asaun di'ak tebes liuhusi apoiu ba buska no salvamentu ninian. (*)