"Se ita loke fronteira ne'e vírus tama mai karik?. Ha'u hanoin katak agora vírus tama mai labele kona ita, dalan mak vasina, ita iha vasina, tanba ne'e sidadaun sira ne'e seidauk vasina bele vasina, agora fronteira ita tenke loke tanba ita Estadu Emerjénsia (EE) laiha ona, ita limita de'it oituan mais ita-nia hakarak tenke loke”, dehan Taur Matan Ruak nia intervensaun iha Parlamentu Nasionál (PN), segunda (13/12).

Governu prefere hakarak loke fronteira sira atu nune'e komunidade sira bele la'o ba mai hodi buka moris iha nasaun rua ne'e.

"Tanba ne'e mak ha'u hanoin ba oin ne'e ita-nia preferénsia ne'e ita loke depois vírus mai mak ita haree fali, depois enkuantu laiha ita loke, atu fasilita ita-nia sidadaun sira moris loroloron nian”,‘afirmativo nia.

Tanba durante aplika EE sidadaun barak mak la'o ilegál, Polísia Nasionál Timor-Leste (PNTL) konsege kaptura balun ne'ebé lori sasán hodi halo negósiu maibé liuhusi dalan ilegál.

Nune'e mós PNTL mós kaputra sidadaun treinu Arte Marsiál ne'ebé la'o ilegál atu ba sa'e sintu iha Atanbu-Indonézia. (*)