Tempotimor (Dili)- Diretór ezekutivu kompañia operadora telekomunikasaun Telcomcel, Yogi Rizkian hato'o komprimentu ba Ministru Asuntu Parlamentar no Komunikasun Sosiál (MAPKomS), Francisco Jerónimo liu-husi nia vizita kortezia.

Hafoin remata vizita ba MAPKomS, Ministru Jerónimo hatete, ohin nia parte simu vizita ida husi Kompaña Telokomsel ne'ebé mai atu hato'o komprimentu ba MAPKomS, alende sira fó mos informasaun ba MAPKomS kona-bá koperasaun sira ne'ebé antes ne'e, kompaña Telcomsel halo ho SEKoomS, RTTL, Ajénsia Tatoli inklui mós média sira.

"Sira mai atu komprimenta hau i sira mai atu hatutan tan programa ne'ebe mak uluk Telkomsel halo tiha ona ho SEKoomS, depois RTTL ho Tatoli, iha programa lubuk ida iha koperasaun ida ne'ebé mak halo entre ho entidade sira hotu inklui agora iha ne'e, ne'ebé mai atu hatutan tan ida ne'e "dehan MAPKomS hafoin termina enkontru ho Kompaña Telcomsel iha palasiu governu, kinta (22/10).

Jerónimo mós fiar katak, informasaun kona-bá koperasaun sira ne'ebé kompaña Telocomsel pasa ba MAPKomS, ida ne'e sei kontinua ba oin.

Iha fatin hanesan, Diretór Ezekutivu Telcomcel, Sr. Yogi Rizkian hateten, intensaun husi vizita ne'e atu informa ba MAPKomS kona-ba apoiu ne'ebé Telcomcel oferese ba RTTL-EP no TATOL-IP, hodi utiliza meiu teknolojia hodi fasilita divulgasaun informasaun ba públiku.

Responsavel másimu Telcomcel ne'e afirma, nia parte sei kontinua mantein kooperasaun ne'ebé halo tiha ona ho instituisaun mídia rua ne'e no hein katak, jornalista sira husi RTTL-EP no TATOL-IP bele aproveita teknolojia ne'ebé Telcomcel oferese hodi tranzmite informasaun ba públiku ho lais no fasil. (*)

Tempotimor (Dili)-Ministru Asuntu Parlamentar no Komunikasaun Sosial (MAPKomS) deklara, nia parte sei buka tuir failansu sira ne'ebé mosu iha Ministeriu Finansa (MF), kona-ba pagamentu subsidiu ba jornalista sira ne'ebé konsidera hanesan lina oin.

Tempotimor (Dili)-Ministru Asuntu Parlamentar no Komunikasun Sosiál (MAPKomS) Francisco Martins Jeronimo deklara, kona-ba infraestrutura hanesan Bee-moos, Edukasun, Elektrisidade, no estrada, so Parlamentu Nasionál (PN) mak iha kompetensia hodi fo osan ba governu atu hadi'a.

Tempotimor (Dili)-Oitvu governu liu-husi Ministra Finansa (MF) Interina, Sara Lobo Brites akompaña husi ministru Asuntu Parlamentar no Komunikasaun Sosial (MAPKomS), aprezenta ona Orsamentu Jerál Estadu (OJE) tinan 2021 nian, ne'ebé ho montante bilaun $1.895 ba Parlamentu Nasional (PN).

Husi total orsamentu ne'e sei aloka ba salariu vensimentu milaun $239,26, bens servisu milaun $421,49, tranferensia públika millaun $669,91, kapitál menor millaun $61,14, no kapitál dezenvolvimentu milaun $503,20.

Proposta Orsamentu Jerál Estadu (OJE) ne'e rasik, entrega direta ba Prezidente Parlamentu Nasionál (PPN), Aniceto Longuinhos iha gabinte PPN.

Hafoin simu proposta ne'e, Prezidente PN Aniceto Guteres hatete, proposta ida ne'e governu submete bazeia ba prazu ne'ebé determinadu ona.

"Haree ba oras no loron ohin dia 15 outumbru ne'e, governu kumpri duni prazu atu aprezenta Orsamentu Jerál Estadu (OJE),"Dehan Aniceto iha Parlamentu Nasional, kinta (15/10).

Bazeia ba propoata ne'ebé iha, nia esplika, ida ne'e ba oin, prosesu tomak Parlamentu Nasionál mak sei halo, hahu husi debate jenerálidade to'o aprovasaun final global.

Nia mos husu, atu membru governu tomak kontinua kolabora ho Parlamentu Nasionál, nune'e deskusaun OJE 2021 ida ne'e bele la'o ho diak liu tan. (*)

Tempotimor (Dili)-Ministru Asuntu Parlamentar no Komunikasaun Sosial (MAPKomS), Francisco Jeronimo ofisilmente asina ona akordu ho xefi suku Lore 2, postu administrativa lospalos, Munisípiu Lautem, kona-ba implementasaun Programa Naroman no dezenvolvimentu Suku (PNDS).

Hafoin remata asinatura, Ministru Francisco hatete, asinatura ba programa naroman suku ida ne'e, nu'udár kontinuasaun ida husi programa sira ne'ebé antes ne'e la'o ona no iha mos ninia benifisia dezenvolvimentu ba suku.

"Nia kuantidade ne'e la boot, la'os osan boot, ajuda ita boot sira atu halo atividade ida ne'e, husi tinan ba tinan halo avaliasaun kuandu buat ne'e la'o diak, ami sei aumenta,"dehan ministru Feancisco Jeronimo iha palasiu governu, kuarta (14/10).

Emprinsipiu Governu sei tau matan no apoiu suku sira, karik hanesan tinan sira tuir mai sei la'o nafatin, importante programa ne'e, tenke iha relatoriu atu justifika atividade ne'ebé suku sira halo.

Progrma refere, estadu atu hetan konfiansa husi suku, presiza iha justifikasaun ba ezekusaun osan, tan ne'e, presiza halibur invois, fotografia husi implementasaun ba atividade.

"Tanba, kuandu ita boot sira halo ida ne'e, tenke iha fotografia no justifikasaun, imi halo reuniaun ruma karik, ou halo serbisu ruma hamutuk ho joven sira, no komunidade, ida ne'e ita boot sira nia serbisu, maibé tenke iha mos evidensia, atu bele fo fiar nafatin ba estadu liu-liu ba governu katak, atividade ne'e la'o ba oin,"dehan nia.

"Maibé primeiru mak responsabilidade, tanba ida ne'e governu nia programa, buat hotu ba baze, la hela iha ne'e, 2021 agora ne'e barak duni kuaze osan tomak ne'e ba hotu iha kraik, ne'ebé ida ne'e mak ita sei halo, "Nia akresenta

Nune'e, Nia mos husu ba xefe suku lore atu kuidadu halo didiak, karik governu apoiu fundu ba suku lore 2, tenke ezekuta programa sira ne'e ho didiak.

Entretantu akordu ne'e, hetan asina direita husi Ministru Asuntu Parlamentar no Komunikasaun Sosial, inklui xefi suku Lore 2 Armando de Jesus iha Gabinte MAPKOMS, Palasiu Governu. (*)

Tempotimor (Dili)-Ministru Asuntu Parlamentar no Komunikasaun Sosial (MAPKomS), Francisco Jerónimo hatete, liga ba preokupasaun ne'ebé deputadu sira hato'o, liu hosi plenáriu, iha Parlamentu Nasionál, dadauk ne'e, Ministériu ne'ebé tutela ba asuntu ne'e, esforsu hela atu transmite nafatin ba kada Ministeriál.

Tempotimor (Dili)-Hafoin proposta Orsamentu Jeral Estadu (OJE) 2020 aprova iha Parlamentu Nasionál, governu sei kontinua kedan ho proposta OJE 2021. Tuir planu, iha Kinta (15/10) semana ne’e, governu sei submete proposta OJE 2021 ba PN.

Tempotimor (Díli) - Ministru Asuntu Parlamentar no Komunikasaun Sosiál (MAPKomS), Francisco Martins da Costa Pereira Jerónimo haktuir, vizita kortezia, iha Timor Telekom (TT) ne'e, atu haree lala'ok redasaun kooperasaun ho Ministériu rasik, liu-liu ho Rádiu Televizaun Timor-Leste Empreza Públika (RTTL.ep) ne'ebé hala'o kleur ona, hahú husi harii Timor Telekom.

Tempotimor (Díli) - Ministru Asuntu Parlamentar no Komunikasaun Sosiál (MAPKomS), Francisco Martins da Costa Pereira Jerónimo hateten, RTTL.ep sai prioridade liu ba Ministériu, tanbá ne'e, RTTL.ep nia pedidu saida de'it, Ministériu sempre hatan ka responde no tau atensaun.

Tempotimor (Díli) - Relasiona ho diskusaun orsamentu iha espesialidade ba tinan 2020, Ministériu Asuntus Parlamentares no Komunikasaun Sosiál esklui (excluindo) ba Sekretaria Estadu Komunikasaun Sosiál (SECOMS: sigla Portugés) ho montante milloens $3.131 pasa, iha Parlamentu (PN).

Page 1 of 8

.