Komunidade Fatubessi ho Laklo Kontinua Moris iha Nakukun

By Tempo Timor October 22, 2021 974

font size decrease font size increase font size
Print
Email

Sentrál Eletrika iha Timor-Leste. Foto Suplay

Tempotimor (Aileu)-Xefe Suku Liurai, Eli Dias Gomes hatete, komunidade iha Suku Liurai, Aldeia Fatubessi ho Laklo durante ne’e kontinua moris iha nakukun laran, tanba seidauk asesu ahi Eletrisidade.

"Eletrisidade iha aldeia Laklo foin mak KK (kepala keluarga) hamutuk 30 mak asesu restu ne'e seidauk maibé aldeia Fatubessi ne'e tomak la asesu liña eletrisidade”, informa Eli Dias Gomes ba www.tempotimor.com iha Aldeia Fatulumau, Suku Liurai Postu, Administrativu Aileu vila, Munisípiu Aileu, sesta (22/10).

Maibé kondisaun estrada husi Suku Liurai ba Aldeia rua ne'e dadauk ILO (International Labour Organization) sei halo reabilitasaun iha suku refere.

"Estrada agora prosesu tama faze reabilitasaun, estrada rurál husi programa ILO nian, agora dadaun prosesu instalasaun fatin hadi’a gudang para kompaña sira atu hela, no fakar ona rai henek no fatuk iha estrada”, informa nia.

Enkuantu programa Governu nian kona-ba Uma Kbi’it Laek (UKL) iha Suku Liurai ezekusaun orsamentu atinje pursentu 25 no obra rasik iha ona pursentu 50.

Maibé ba parte saúde nian iha Suku liurai ladún preokupa tanba iha médiku no enfermeiru sira ne'ebé destaka iha sentru saúde sira-nia atendimenti la'o ho di'ak. (*)

Rate this item

(1 Vote)

Last modified on Friday, 22 October 2021 19:40

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com