Tuir observasaun tempotimor iha terenu nota katak, komúnidade sira hahú kedas iha dader maizoumenus tuku 9:00 to'o tuku 12:00 hobur iha Sentru Konvensoins Dili (CCD) atu husu karat lisensa viajen Munisípiu nian ba SIJK.
Iha situasaun trata dokumentu ne'e, komúnidade sira la kumpri distansia sosiál, hobur malu de'it.
Cristovão nu'udár komúnidade ne'ebé tarata viajen nian informa, trata hela dokumentu atu ba Munisípiu Vikeke, tanba nia tiun mak mate.
"Ohin kedas ami rua primo mai urus karta ne'e atu ba foho, tanba primu nia apa mate kedas iha hodibairua", dehan nia bá tempotimor iha fatin trata dokumentu CCD, kinta (11/03/21).
Maibé, dezde dader to'o agora dokumentu ne'e sidauk hotu, ne'ebé parte sira sei hein nia prosesu.
Nune'e mós, komúnidade ida trata dokumentu atu bá foti hahán iha Munisípiu Likisa, maibé parte SIJK la autóriza, tanba konsidera la dun impórtante.
"Ami mai trata dokumentu atu bá foti batar iha, ami nia to'os iha Likisa, maibé sira dehan hahán la impórtante, entaun saida mak impórtante fali", nia kestiona
Tuir Nia, parese trata dokumentu ne'e bele hela, só ké sira ida trata dokumentu ne'e ulun tós lakohi kumpri distansia sosiál, entaun seguransa nervozu hodi dehan, bá foti hahán ne'e la impórtante.
Ho trata dokumentu ne'e, komúnidade la kumpri distansia sosiál maka, pesoal seguransa PNTL atende direita kedas hodi haruka komúnidade balun fila no haruka hamrik distansia bá malu.
Nune'e, pesoal Polísia Nasionál Timor-Leste (PNTL) ida fo aviza ba komúnidade sira ne'ebé trata dokumentu ne'e katak, balu hatama ona dokumentu tuku 2 mak mai fali komfirma.
"Fó hatene bá sira ne'ebé hatama ona dokumentu fila ba uma tuku 2 mak mai fali cek", nia avija
Iha trata dokumentu ne'e, inklui mós kompaña sira ne'ebé atu lori fós ba Munisípiu sira. (*)