Tuir Komunikadu Imprensa ne'ebé www.tempotimor.com asesu husi Gabinete Prezidente Repúblika, kuarta (31/08) katak, misa agradesimentu ne’e prezide Direta husi amu Papa rasik hafoin kardeál sira simu konsultóriu ordiariu públiku iha loron 27 Agostu 2022.
Purtantu misa agradesimentu ne’e partisipa direita husi sarani lubun ida husi nasaun oioin, inklui Timor-Leste rasik liuhusi ekipa delegasaun hamutuk ho Enviadu Espesiál Extraordináriu Prezidente Repúblika J.H.R, Kay Rala Xanana Gusmão.
Durante iha selebrasaun misa, Papa Francisco husu hatete husi liafuan Maromak nian mak hamosu administrasaun iha igreja no sai igreja.
Ho ida-ne’e mak sai atraiante ba komunidade fi’ar na’in sira, dahuluk ba an rasik no depois ba ema hotu.
“Duplu mistériu ne’e hetan bensaun husi Krisru no ba Kristu iha mundu. Admirasaun ida-ne’e la hamenus husi ita tinan ba tinan, nein menus mós iha responsabilidade ba Igreja. Grasa Maromak nian. Hametin, halo sai klean. Ha’u fiar katak, hanesan ne'e mós ba imi, maun alin sira ne’ebé hola parte iha koléjiu Kardinalísiu”, dehan Papa Francisco iha ámbitu misa agradesimentu iha Roma.
Papa Francisco mós husu ba kardeál sira kontinua servisu maka’as, hodi sai nu’udar illas Na’i-Jesus no Santu sira hotu no hadomi Igreja no sarani nu’udar Na’in-Kristu nia maksoin hodi lori dame ba ema hotu iha moris.
Iha loron 31 Agostu, Enviadu Espesiál Extraordináriu Prezidente Repúlika, Kay Rala Xanana Gusmão no Kardeál Dom Virgílio do Carmo da Silva hamutuk ho Embaixadora Timor-Leste ba Vatikanu, Juvita Rodrigues B. Ataide Gonçalves no komunidade Timoroan sira iha Roma sei selebra misa agradesimentu ba kaerdeál foun.
Aleinde ajenda ikus-liu mak Kardeál Don Virgílio hamutuk ho Xanana Gusmão sei hato’o nia mensajen ba Timoroan sira iha Vatikanu. (*)